Thursday , March 28 2024

Gelli de Belen, masaya sa mga show sa TV5

020215 gelli de belen

00 Alam mo na NonieNAGPAHAYAG ng kagalakan si Gelli de Belen sa kanilang bagong programa sa TV5 na pinamagatang Solved Na Solved. Layunin nitong magbigay ng praktikal at legal na solusyon sa mga problemang karaniwang nararanasan ng mga mamamayan.

Kasama ni Gelli bilang host sina Arnell Ignacio at Atty. Mel Sta. Maria. Mapapanood sila mula Lunes hanggang Bi-yernes, 11:30 ng umaga.

“Natutuwa ako sa opportunity to host a program that is actually interesting and helpful. Challenge ito na magkaroon ng show na makabuluhan at compact na sa limited na time ay mailagay namin lahat ng impormasyon na kailangang maibi-gay sa public.

“I am challenged, my creativity and my talent bilang host ay nacha-challenge, so natutuwa ako. Ang dami-daming artista, ang dami-daming host, pero lagi nila akong napipili,” saad ni Gelli.

Dagdag pa niya, “Nagkakaroon ako ng awareness sa rights ko bilang isang Filipino. Sa mga mamimili at iba’t iba pang topic na naipapaliwanag sa show. Lalo na sa puntong legal, with Atty. Mel.

“Saka kasi dito, mas nai-inform ang mga tao sa mga karapatan natin. Kasi we don’t know all the legal terms sa mga karapatan natin. We’re not aware, ‘Ay, bawal iyan, bawal iyan!’ Pero we don’t know exactly saan mag-uumpisa.”

Nagpapasalamat din ang aktres/TV host sa pag-aalaga sa kanya ng Kapatid Network. “Hindi pa ako nawawalan ng trabaho. Pinagkakatiwalaan nila ako with work na I never got to do before, which is a challenge for me. While I was happy with my other stations, kaya lang, parang dito, I got to try a lot of things.”

Mula nang lumipat siya sa TV5, kabilang sa mga programang naging bahagi si Gelli ay ang Glamorosa, Nandito Ako, at Confession of a Torpe. Naging host din siya sa ilang shows ng Singko tulad ng Game N’ Go at Face the People.

MOJACK PEREZ, HUMAHAKOT NG AWARDS BILANG SINGER/STAND-UP COMEDIAN

WAGI na naman si Mojack Perez bilang Outstanding Stand-Up Comedian sa ginanap na 35th People’s Choice award recently. Humahataw talaga si Mojack sa mga awards ngayon.

Last year ay nanalo rin siya bilang Outstanding Comedian, Performer & Host sa Dangal ng Bayan 2014. Sa darating na April naman ay tatanggap din siya ng parangal sa Gawad Musika 2015. Ito ay ibinibigay sa mga baguhang musician na click na click sa masa.

Anong masasabi ni Mojack sa mga awards na ito? “Masa-sabi ko po talaga na achievement po ito dahil umaakyat ako ng entablado na kasama ang mga malalaking tao at ating mga iniidolo. Ito po ay blessings dahil nakikita nila ang bawat trabaho, pagod, hirap, at pawis sa bawat ipinakikita nating serbisyo.

“Totoong God is so good, kasi ‘pag kamay Niya ang kumumpas, walang makakapasok na malas. Kaya ang motto ko, love your work and love your family. Pati enemy na rin, if mayroon. Pero ako po, wala namang enemy,” nakatawang biro ni Mojack.

Lalo ka bang sisipaging magtrabaho dahil sa mga ganitong recognition?

“Mas dodoblehin ko pa po ang trabaho ko para sa pangalawang birthday na ng Mama ko. ‘Di po lingid sa atin na ‘di siya pinabayaan at walang masamang nangyari sa pinakamamahal kong mother nang siya ay naaksidente. Dahil sa kanya kaya po ako nagsiskap nang husto. And para rin maging ehemplo ako sa katulad kong nagpe-perform po sa entablado.

“Ang plano ko po ngayon sa career ko, pag-usapan na ng maayos ang bawat bagay dahil ‘pag hindi naayos ang lahat, sisikip lang po ang bawat ginagalawan natin. Dahil ang pangarap ko lang sa career ko, ang tumakbo ng tama sa mata ng mga tao.

“Huwag po nating ipilit ang hindi natin kaya, kasi kapag pini-lit natin at hinigpitan ang tali, baka mapigtas ito at makawala sila.”

Sa ngayon, may album na rin si Mojack na ang carrier single ay Beckylo na likha ni Christian Martinez. Napapakinggan din si Mojack sa radio program niyang Brigada News FM 104.7 every Sunday, 4 to 7 pm kasama si Manny Paksiw (Manny Pacquiao impersonator) sa kanilang programang Magpa-MP.

 

 

ni Nonie V. Nicasio

About hataw tabloid

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *