Sunday , November 27 2022

Mga maikling-maikling kwento: Kapwa namimingwit lang

00 kuwentoMakikipag-eyeball si Norlan kay Mizzy bandang ala-5:00-ala-5:30 ng hapon sa Mall Of Asia sa Pasay. Alas-kuwatro pa lang ay nakapaligo na siya. Nagpahid ng gel sa buhok. Nagpabango. Inispreyan ng body deodorant ang katawan. Ibinihis ang magaganda at mamahaling mga kasuotan. Isinuot ang relong Rolex at nagburloloy ng kuwintas sa leeg.

Excited na makita nang personal ang FB friend na si Mizzy, saktong ikalima ng hapon ay naroon na siya sa bisinidad ng MOA. Agad niya itong pinadalhan ng text message na “D2 na me.” Ang reply nito ay “lpit na me.”

Nakaharap niya ang dalaga sa loob ng isang fastfood. Mas maganda ito sa personal kaysa doon sa profile picture na naka-post sa FB. Maputi at makinis na ang kutis ay napaka-sexy pa. At talaga namang makalaglag brief sa mga kalalakihan.

Pero may itinakdang kwalipikasyon si Norlan para magustuhan niya ang isang babae. Pangunahin doon ang katayuan nito sa buhay. Kumbaga sa alahas ay dapat itong magtaglay ng mataas na karat. Kaya nga kinilatis niya ang mga kasuotan at gamit ni Mizzy. Hindi branded ang damit at sapatos na suot nito. Mumurahin ang cellphone. At nang pasimple niyang amuyin ang paba-ngo ng dalaga ay nahulaan niyang nag-cologne lang ito. Ay! Hindi nakapasa ang da-laga sa pamantayan niya.

Parang mangingisda si Norlan na gustong makabingwit ng isang matabang isda. Pero siya mismo ay masasabing wala rin naman “K.” Ang kanyang kwintas ay tubog lang sa ginto at ang relo niya ay pekeng Rolex. At bagama’t branded nga ang kanyang sapatos, pantalon at t-shirt, ang mga iyon ay galing lang naman sa ukay-ukay.

Totoong hindi nakapasa kay Norlan si Mizzy sa pangunahin niyang kwalipikas-yon. Pero sa paglipas ng mga araw ay daig pa niya ang nakulam. Hindi ito mawalay-walay sa kanyang isipan. Nabihag ng kagandahan nito ang damdamin niyang hindi nagpadikta sa kapasiyahan ng isipan.

Tinawagan niya si Mizzy para makipag-set sa muli nilang pakikipag-eyeball sa MOA o sa isang lugar na kombinyente sa kanilang dalawa. Pero hindi nito tinanggap ang mga tawag niya. Nag-text siya: “F ok sa u, pwede ba tau magkita ulit tom 6pm?” Nag-reply naman agad ito. Kaya nga lang ay ganito ang mensaheng ipinadala sa kanya ng dalaga: “Kung my car ka, cge… Fetch me sa hauz namin!”

 

Ni REY ATALIA

About hataw tabloid

Check Also

Loiegie Dano Tejada Ms Ls Beauty

Ms L’s priority ang good health ng mga Pinoy

MATABILni John Fontanilla MATAGUMPAY ang katatapos na grand opening ng Ms L’s Beauty and Wellness Corporation …

Krystall Herbal Oil, Fely Guy Ong, FGO

Kulugo sa paa tanggal sa Krystall Herbal Oil 

Back to BasicNATURE’S HEALINGni Fely Guy Ong Dear Sister Fely Guy Ong,                Ako po …

BONDS by IQOS Philip Morris

Para sa smoke-free future
PMI NAGLUNSAD NG ABOT-KAYANG HEATED TOBACCO

INILUNSAD ng Philip Morris International Inc. (PMI) ang kanilang bago at abot kayang heated tobacco …

Ms L's Beauty & Wellness Corp 

Dating make-up artist may sarili nang negosyo at kompanya 

MA at PAni Rommel Placente NAKAUSAP namin ang isa sa owner ng Ms. L’s Beauty & …

Jeric Gonzales Urban Revivo

Store opening dinumog

COOL JOE!ni Joe Barrameda AFTER niyang daluhan ang intimate presscon ng Broken Blooms ay dinaluhan naman niya …

Leave a Reply