This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
PATAY ang isang sanggol makaraan makulong sa nasunog nilang bahay kamakalawa ng hapon sa Caloocan City.
Tupok na ang kalahating katawan ng biktimang si Julius Rain Buquing, isa’t kalahating taon gulang, nang matagpuan sa loob nang nasunog nilang bahay sa Phase 8, Package 1B, Block 2, Lot 11, Brgy. 176, Bagong Silang ng nasabing lungsod.
Habang nailigtas ang nakatatanda niyang kapatid na si Mica, 5, special child, makaraan wasakin ng mga kapitbahay ang nakakandado nilang bahay.
Batay sa ulat ng pulisya, dakong 1:30 p.m. nang magsimula ang sunog sa loob ng bahay ng mga biktima sa nasabing lugar.
Salaysay ng kapitbahay na si Maricel Fajardo, habang nasa trabaho ang ama ng mga biktima ay iniwan ng ina ang mga bata sa nakakandado nilang bahay at nagtungo sa computer shop.
Hinihinalang naglaro ng posporo ang mga bata na nagresulta sa pagkasunog ng kanilang bahay.
PATAY ang isang sanggol makaraan makulong sa nasunog nilang bahay kamakalawa ng hapon sa Caloocan City.
