Sunday , November 27 2022

Palasyo news blackout sa Mamasapano Massacre

FRONTNAGPATUPAD ng news blackout ang Palasyo hinggil sa tinaguriang Maguindanao massacre 2 o ang pagpatay sa 44 miyembro ng Philippine National Police –Special Action Force (PNP-SAF) ng mga pwersa ng Moro Islamic Liberation Front (MILF) at Bangsamoro Islamic Freedom Fighters (BIFF) sa Mamasapano, Maguindanao kamakalawa.

Sinabi ni Presidential Spokesman Edwin Lacierda, hindi muna sila magbibigay ng pahayag sa mga detalye ng nasabing insidente hanggang hindi pa nagkakaroon ng resulta ang imbestigasyon ng binuong Board of Inquiry.

Ito’y kabilang aniya sa mga napag-usapan sa apat na oras emergency meeting ng cabinet security cluster na ipinatawag ni Pangulong Benigno Aquino III kahapon.

Kabilang sa mga dumalo sa pulong sina Interior Secretary Mar Roxas, Defense Secretary Voltaire Gazmin, AFP Chief of Staff General Gregorio Catapang, PNP Officer-in-charge Deputy Director General Leonardo Espina at Presidential Adviser on the Peace Process Teresita Deles.

Kaugnay nito, ikinokonsidera pa ng Malacañang kung magdedeklara ng National Day of Mourning para sa namatay na mga miyembro ng PNP-SAF.

Nat’l day of Mourning isinulong para sa Elite Force

LUMALAKAS ang panawagan na ideklara ang National Day of Mourning bilang pagkilala sa kabayanihan ng mga pulis na namatay sa pakikipagbakbakan sa mga miyembro ng Moro Islamic Liberation Front (MILF) at Bangsamoro Islamic Freedom Fighters (BIFF). 

Sinabi ni Leyte Rep. Ferdinand Romualdez, ang National Day of Mourning ay pamamaraan na rin para ipahatid sa pamilya ng namatay na mga pulis ang pakikiramay ng buong bansa. 

Habang ayon kay Valenzuela Rep. Sherwin Gatchalian, ang pagdedeklara ng National Day of Mourning ang pinakamataas na parangal na maibibigay ng bansa sa mga pulis na namatay habang ginagampanan ang kanilang trabaho. 

Dagdag ni dating police officer at Pangasinan Rep. Leopoldo Bataoil, dapat makiisa ang bawat Filipino sa pagdadalamhati ng buong puwersa ng pulisya. 

Samantala, ipinagtataka ni dating Philippine National Police (PNP) official ACT-CIS party-list Rept. Samuel Pagdilao kung bakit nagtatago sa lugar na kontrolado ng MILF ang mga terorista. 

Sa harap nito, inihayag ni Presidential Spokesperson Edwin Lacierda, pinag-aaralan na ni Pangulong Benigno “Noynoy” Aquino III ang panukalang pagdedeklara ng National Day of Mourning.

Sa ngayon, naka-half mast na ang mga bandila sa lahat ng kampo at tanggapan ng Pambansang Pulisya ng Filipinas.

Rose Novenario

About hataw tabloid

Check Also

Sa Lumban, Laguna NO 1 KAGAWAD, 1 PA TIKLO SA BUYBUST Boy Palatino Photo

Sa Lumban, Laguna
NO. 1 KAGAWAD, 1 PA TIKLO SA BUYBUST

ARESTADO sa ikinasang anti-illegal drug buy-bust ang isang barangay kagawad at kanyang kasabwat sa Brgy. …

dead gun police

Sa Tanauan, Batangas
DATING AHENTE NG ONLINE SABONG PATAY SA PAMAMARIL

BINAWIAN ng buhay ang isang 40-anyos lalaking napag-alamang dating ahente ng online sabong nang barilin …

Mandaue Cebu Fire

Coastal community tinupok ng apoy
700 PAMILYA NAWALAN NG TAHANAN SA MANDAUE

HINDI bababa sa 700 pamilya ang nawalan ng masisilungan nang sumiklab ang malaking sunog sa …

Daniel Fernando Alexis Castro Children’s Congress Bulacan

Provincial Children’s Congress ginanap sa Bulacan

“BILANG tagapagtaguyod ng mga bata at ama ng lalawigang ito, batid ko ang aking tungkulin …

prostitution

5 bebot naisalba vs ‘drive-thru’ prostitution,  bugaw timbog

NAILIGTAS ng National Bureau of Investigation (NBI) Anti-Human Trafficking Division ang limang kababaihan, kabilang ang …

Leave a Reply