This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
KINATIGAN ng Department of Justice (DoJ) ang kasong murder na isinampa ng Olongapo Prosecutor’s Office laban kay US Marine Lance Corporal Joseph Scott Pemberton dahil sa sinasabing pagpatay sa transgender woman na si Jeffrey Laude alyas Jennifer.
Ayon sa DoJ, sapat ang mga iniharap na ebidensiya upang maes-tablisa na maaaring guilty ang US Marine sa kasong pagpatay kung kaya marapat lamang na iharap siya sa pagdinig ng korte.
Nakita anila base sa mga ebidensiya, ang patraydor na pagpatay kay Laude na sinakal nang patalikod, bagay na isa sa mga basehan upang isampa ang kasong murder.
Inabuso rin anila ni Pemberton ang kanyang buong lakas laban sa transgender at buong lupit na tiniyak niyang mamamatay ang biktima sa pamamagitan ng paglublob kay Laude sa toilet bowl.
Magugunitang hiningi ng Olongapo Prosecutor’s Office ang tulong ng DoJ upang suriin ang kanilang findings sa gitna ng pagdududa nang marami na kulang ang mga patunay na murder case ang dapat na isampa laban sa Amerikano.
Si Pemberton ay patuloy na nakakulong sa Camp Aguinaldo ngunit nasa ilalim pa rin ng kustodiya ng Amerika.
KINATIGAN ng Department of Justice (DoJ) ang kasong murder na isinampa ng Olongapo Prosecutor’s Office laban kay US Marine Lance Corporal Joseph Scott Pemberton dahil sa sinasabing pagpatay sa transgender woman na si Jeffrey Laude alyas Jennifer.
