Wednesday , December 1 2021

INC nagtayo ng 500 bahay, farm, factories para sa biktima ng Yolanda

ManaloALANGALANG, Leyte – Noong Pebrero 15, 2014, nagsagawa ang mga miyembro ng Iglesia Ni Cristo (INC) sa iba’t ibang bahagi ng mundo ng “walk for a cause” upang makaipon ng pondo para makapagpatayo ng mga bahay at makapagbigay ng livelihood sa mga biktima ng super typhoon Yolanda.

Makaraan ang halos isang taon, natupad ang layuning ito.

Sa Sitio New Era, sa Brgy. Langit, 500 konkretong bahay ang naitayo at handa nang matirahan, may eco-farming site, garment factory, fish-drying plant at mushroom facility sa kalapit na lugar para magkaroon ng trabaho ang mga residente.

Pinasinayaan ni INC Executive Minister Eduardo V. Manalo ang village na tinaguriang EVM Self-Sustainable Resettlement Community nitong Biyernes, Enero 23.

Nakatayo sa tuktok ng bundok sa bayan ng Alang-alang, at nakatakdang magdagdag ng 500 pang kabahayan sa taon na ito.

Ang inagurasyon ay kasabay ng ordinasyon ng 24 ministers “in a special worship service” na pinangasiwaan ni Bro. Eduardo. Kabilang sa naordinahan ay isang South African, dalawang Japanese at isang German.

Ang isinagawang worship service sa loob ng tent ay may video link sa Tokyo, Japan; Bonn, Germany; at King William’s Town, South Africa.

Si Madodandile Tyulu, 29, ng South Africa, ang naging unang INC Minister mula sa nasabing bansa. Si Shuta Uchiyama ang naging pangalawang INC Minister sa Japanese descent.

“Ang pamayanang ito na self-sustainable at may eco-farming system, garment factory, fish-drying plant at mga housing unit ay itinatag ng Iglesia Ni Cristo sa pamamagitan ng FYM Foundation Inc.,” nakasaad sa marker na pinasinayaan ni Bro. Eduardo nitong Biyernes.

“Ito ang katuparan ng hangarin ng pamamahala ng Iglesia na matulungan ang mga kaanib na sinalanta ng bagyong Yolanda noong 2013 upang sila’y makabangon at magkaroon ng maayos at matatag na kabuhayan. Sa gayon, makatutulong din ang Iglesia sa pamahalaan ng Filipinas na maiangat ang pamumuhay ng libo-libo nating mga kababayan dito sa Leyte. Purihin ang Diyos!”

Binasa ni INC General Evangelist Minister Bienvenido Santiago ang mensahe sa  marker  sa ginanap na inagurasyon sa pangunguna ni Bro. Eduardo, na nagpresenta ng ceremonial key sa beneficiary ng housing unit. Sinabi ni INC General Auditor Minister Glicerio Santos Jr., ang komunidad ang katuparan ng pangako ng church administration na matulungan ang mga biktima ng Yolanda. Ito ay bukod pa sa tulong ng simbahan sa Yolanda survivors makaraan ang bagyo.

About hataw tabloid

Check Also

Hataw Frontpage Bong Go umatras sa 2022 prexy race

Bong Go umatras sa 2022 prexy race

ni ROSE NOVENARIO             TINULDUKAN ni Sen. Christopher “Bong” Go ang kanyang ambisyong maluklok bilang susunod …

Sa Bulacan
MOTORNAPPER, 4 PUGANTE TIMBOG SA POLICE OPS

INARESTO ng mga awtoridad ang isang kawatan ng motorsiklo at apat na pugante sa magkakahiwalay …

Daniel Fernando Covid-19 Vaccine Bulacan

100K Bulakenyo target bakunahan
3-ARAW NATIONAL COVID-19 VACCINATION DAY SINIMULAN

SINIMULAN ng lalawigan ng Bulacan ang pagbabakuna sa mga Bulakenyo sa lahat ng sektor sa …

3 tulak tiklo sa droga (Sa Pasig) Edwin Moreno

Sa Pasig
3 TULAK TIKLO SA DROGA

NASAKOTE ng mga awtoridad ang tatlong hinihinalang tulak ng ilegal na droga sa ikinasang buy …

Mary Mitzi Mitch Cajayon-Uy

Cajayon-Uy:
OMBUDSMAN, KAILANGANG REPORMAHIN

KASUNOD ng pagpapawalang-sala sa kanya ng Sandiganbayan sa mga kasong graft at malversation noong 12 …

Leave a Reply