This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
NAKARANAS nang mahigit isang oras na service outage ang Facebook at Instagram users sa iba’t ibang panig ng mundo nitong Martes.
Sa Filipinas, dakong 2 p.m. nang magsimula ang aberya sa serbisyo ng dalawang social media platform.
Sa Facebook, hindi ma-access ng users ang kanilang account at mga salitang “Sorry, something went wrong” at “This webpage not available” lang ang mababasa.
Agad nag-top worldwide trending topic sa micro-blogging site na Twitter ang mga hastag na “facebookdown.”
Wala pang inilalabas na paliwanag ang Facebook ngunit nag-abiso ang Instagram na inaayos na nila ang problema. Dakong 3:13 p.m. nang magbalik ang serbisyo ng Facebook at Instagram sa Filipinas.
Sa ulat ng BBC, naranasan din ang parehong service outage ng Facebook users sa USA, France, Australia, Spain at Singapore.
NAKARANAS nang mahigit isang oras na service outage ang Facebook at Instagram users sa iba’t ibang panig ng mundo nitong Martes.
