KC at Paulo, nagsasabihan ng I love you (Kahit ‘di maamin ang tunay na estado ng relasyon)

[divider]

HINDI na siguro mahalaga pang aminin nina KC Concepcion at Paulo Avelino kung mag-on nga sila o kung anong estado ng relasyon nila ngayon. Sa mga ikinikilos ng dalawa, kitang-kita ang kasiyahan. Ang mahalaga siguro, masaya sila sa isa’t isa. At ibig sabihin ng mga kilos na ito’y mahal nila ang isa’t isa.

Sa show ni Vice Ganda na Gandang Gabi Vice noong Linggo, inamin ni Paulo na sinasabihin niya ng “I love you” sa personal si KC at sinabing, “Mahal ko naman talaga si Kristina.”

Nang tanungin naman ni Vice kung ano ang isinasagot ni KC sa aktor, sinabi nitong hindi niya sinasabihan ng I love you ito. “Hindi ako ma-I love you, eh. Nag-ano na ako, wavu. So, naiinis siya kasi hindi siya I love you.”

Iginiit pa ni Paulo na, “Katulad nga ng sabi namin, we have something special and itine-treasure namin ‘yon. Kumbaga, wala namang exact date, pero nandoon lagi.”

Kung ating matatandaan, naroon lagi sa tabi ni KC si Paulo kapag down ang aktres tulad nang magkasakit ito na ilang araw nagbantay at nang mamatay ang Mamita nito. Hindi pa ba obvious ang mga ikinikilos nilang ito? Kailangan pa bang umamin? Hayaan na natin iyon sa kanila. Baka kasi hindi pa time para sabihin sa publiko ang estado ng kanilang relasyon.

Basta kami, happy kami para kina KC at Paulo. Kinikilig nga kami sa dalawa, sa totoo lang. Bagay na bagay kasi talaga sila.
ni Maricris Valdez Nicasio