ni DANNY VIBAS
MUKHANG dapat ay magsimula na agad na gumawa ng pelikula o TV special man lang sina Marian Rivera at Dingdong Dantes pagkabalik na pagkabalik nila mula sa kanilang honeymoon. Hot na hot kasi sila ‘di lang sa mga tabloid at sa showbiz journalists kundi pati na rin sa social network media at sa socio- political writers sa iba’t ibang anyo ng media.
Halimbawa, pati na ang socio-political journalist na si Philip Jr. Lustre ay ilang beses nag-post sa Facebook (FB) tungkol sa kasal ng dalawa. Bagamat negative kina Marian at Dingdong ang isinusulat n’ya, negative o positive publicity, publicity pa rin ‘yon. May pakinabang pa rin ‘yon.
Which means, kung may ipalalabas na bagong proyekto ang bagong mag-asawa, malamang ay maka-jackpot ‘yon sa takilya o sa rami ng commercials.
Kailangang ilako na agad nina Marian at Dingdong sa publiko at sa mga producer ang pagsasama nila. Sila rin, baka bigla silang malaos kung wala silang project agad bilang mag-asawa.
