HATAW! D'yaryo ng Bayan hatawtabloid.com
AYAW aminin ng singer-actress na sumikat noong late 80s hanggang 90s na Papa niya ang nakikitang may edad na lagi niyang kasa-kasama ngayon. Nang bisitahin siya ng ilang entertainment press nitong nagdaang Christmas season, at tanungin si aktres tungkol sa lalaking tinutukoy natin na rich, friends lang daw niya ito.
Pero nalaman natin mula sa isang very reliable source na matagal na umanong may lihim na relasyon si nasabing celebrity at non-showbiz guy na super generous sa kanya noon pa. Ang karelasyon raw na ito ang nagbibigay ng pera para makapag-produce ng album ang singer
na active sa paggawa ng teleserye sa malaking TV network. Korek! Nagbago na ang taste ni actress at ayaw na niyang pumatol sa mga ka-edad niya.
Zino siya gyud!
MMFF Top 3 hindi nagbago ang ranking
PRAYBEYT BENJAMIN, FENG SHUI AT MY BIG BOSSING PARE-PAREHONG HUMATAW SA FESTIVAL
As of press time, nakakuha kami ng bagong datos para sa 8 official entries sa Metro Manila Film Festival 2014 na belong sa Top 3 films. Hindi nagbago ang ranking since December 25 ng tatlong malalakas na pelikula na The Amazing Praybeyt Bejamin, Feng Shui at My Big Bossing nina Bossing Vic Sotto at Ryzza Mae Dizon at pumapang-apat na ngayon ang pinag-uusapang pelikula sa festival na English Only Please na pinagbibidahan nina Jennylyn Mercado at Derek Ramsay na as of January 5 ay umabot na sa P100 million ang kita sa takilya.
Narito ang exact figures ng box office returns ng Praybeyt Benjamin 2 nina Vice Ganda, Bimby, Richard Yap at Alex Gonzaga na humamig na ng P365 million in just 10 days, ganoon din ang Feng Shui nina Kris Aquino at Coco Martin na nag-gross naman ng P200.8 million sa loob ng sampung araw at almost P200 million naman ang kita ng My Big Bossing, na kung hindi lang naging limitado ang sinehan ay siguradong mas malaki pa ang naging outcome. Nasa No. 5 spot ngayon ang Kubot: The Aswang Chronicles ng bagong kasal na si Dingdong Dantes, No.6 Shake Rattle and Roll XV at nasa pangpito at pangwalong puwesto naman ang Bonifacio ni Robin Padilla at Magnum Muslim .357 ni former Laguna Gov. ER Ejercito.
ni Peter Ledesma
