Sunday , December 5 2021

FPJ, nananatiling Hari ng pelikula!

122714 FPJ

ni Ed De Leon

ANG totoo at inaamin namin kung minsan makakalimutin na rin kami, nagtaka pa kami noong isang gabi dahil na-traffic nga kami riyan sa Roxas Boulevard, tapos napansin naming may mga nakatirik na kandila roon sa monumento ni FPJ. Tapos may mga bulaklak din, pero halata mo na ang naglagay doon ay fans lamang niya, dahil talagang pumpon lang ng bulaklak iyon. Kung mga politiko iyan, malaking korona iyon na nakalagay din sa malaking ribbon ang kanilang mga pangalan.

Nag-isip pa kami, bakit nga ba may nagtirik ng kandila sa monumento ni FPJ?

Kinabukasan ng umaga, nakikinig kami sa radio, nang ibalita ng isang reporter na siya ay nasa sementeryo na nagkakatipon ang mga kaibigan at mga dating kasamang artista ni FPJ para sa isang misa, bilang pag-alaala sa ika-10 ng kanyang kamatayan.

Naisip nga namin, sampung taon na palang wala si FPJ. Ang totoo hindi namin namamalayang ganoon na pala katagal iyon. Kasi hanggang ngayon naman madalas mong napapanood sa telebisyon ang maraming pelikulang kanyang nagawa simula noong nabubuhay pa siya. Matatawa nga kayo, maski na iyong mga pelikulang hindi pa namin inabot noong araw, makikita pa ninyo sa mga pirated na DVD. Minsan nga tuwang-tuwa kami kasi may nakuha kaming kopya ng pelikula na sa maniwala kayo’t sa hindi, bagets pa si FPJ.

Si FPJ ang nag-iisang hari ng pelikulang Filipino at 10 taon na matapos na siya ay yumao, wala pa ring natatawag na bagong hari ng pelikula, ni nagtangkang angkinin ang titulong iyon.

Sinariwa nga namin sa aming alaala, ang mga gabing iyon na si FPJ ay nakahimlay sa simbahan ng Santo Domingo. Tinakpan ang bahagi kung saan siya nakaburol dahil mayroon ng simbang gabi. Pero ang haba ng pila ng mga taong gusto siyang makita habang nakahimlay doon, hindi nabawasan kahit na mayroon ng simbang gabi.

Iyon ding libing ni FPJ, iyon ang libing na sinaksihan ng milyong tao. Naglakad lang ang lahat mula sa simbahan ng Sto. Domingo hanggang sa Manila North Cemetery. Mahigit na kalahating araw din iyon, at take note ang mga nakipaglibing ay naroon ng kusang loob, hindi hinakot. Hindi ipinadala roon ng mga kompanyang kapanalig nila na binigyan ng pagkain at allowance makipaglibing lang. Talagang pagmamahal ng tao kay FPJ kaya sila naroroon.

Wala ngang katulad si FPJ at wala nang makaaabot sa inabot niyang iyon.

 

About hataw tabloid

Check Also

Blind Item, Man Woman Fighting

Aktor at aktres panay ang dyombagan

FACT SHEETni Reggee Bonoan AWAY-BATI ang drama ng magkarelasyon na ito at matindi silang mag-away dahil …

Eric Santos Angeline Quinto

Angeline Quinto buntis nga ba?

FACT SHEETni Reggee Bonoan HINDI kaagad nakasagot si Eric Santos nang tanungin siya ni Nay Cristy Fermin kung buntis …

Beatrice Luigi Gomez Rabiya Mateo Catriona Gray Janine Tugonon Miriam Quiambao

MUP winners may sumpa nga ba sa lovelife?

KITANG KITA KOni Danny Vibas HINDI naniniwala si Rabiya Mateo, 25, na may “sumpa” ang …

Dennis Trillo Jennylyn Mercado

Dennis at Jen babae ang magiging anak

RATED Rni Rommel Gonzales IBINAHAGI ng mag-asawang Jennylyn Mercado at Dennis Trillo ang kasarian ng paparating nilang baby. …

Herbert Batista Rene Boy

HB iniyakan ng matatanda at tinawag na Rene Boy

I-FLEXni Jun Nardo NAG-IIYAKAN ang matatandang babae kay senatoriable Herbert Batista nang umikot siya sa Cebu City …

Leave a Reply