Thursday , March 28 2024

2015: Year of the Green Wooden Sheep

122714 wooden sheep

ni Tracy Cabrera

SA 2015, ang buhay ay magiging win-win situation para sa mga isinilang sa ilalim ng Year of the Sheep (1907, 1919, 1931, 1943, 1955, 1967, 1979 , 1991, 2003, etc) ; dahil na rin ito sa pagsikat ng iyong patron na Wooden Sheep (Ram, Goat).

Magiging masuwerte ang taon sa halos lahat ng bagay na iyong lalahukan—mula sa mga minor household matters at sa pagpa-patupad ng iyong mga panaginip at pagnanais. Kung matagal nang humihiling ng pag-ibig, yaman at magandang kalusugan para sa iyong pamilya, walang dudang makakamit ang lahat ng mga ito.

Suwerte

Kung nais malaman kung gaano kasuwerte ang taon, isipin lang ang sarili na isang musmos na bata na binigyan ng buong tindahan ng mga laruan bilang birthday gift.

Dangan nga lang may babala rin sa iyong horoscope: may mga effort na dapat pang gawin para makamit ang tagumpay na ninanais sa buhay. Iwasang maging tulad ng isang Hudyo sa anekdota na iginugol ang mahabang panahon sa pananala-ngin sa Diyos para manalo sa loterya pero hindi naman bumibili ng lottery ticket.

Aksyon

May kasabihan tayong mga Pinoy: Nasa Diyos ang awa, nasa tao ang gawa—kaya kailangang kumilos! Kung nais may marating, aksyon ang kailangan para magtungo sa iyong ninanais.

Para sa mga Kambing na nais kainin ang sariwang damo sa tuktok ng bundok Olympus, kailangang bawasan ang interes sa pagliliwaliw at pagpa-party at sa halip ay igugol ang panahon sa edukasyon sa sarili at pagsasagawa ng mga proyektong pangnegosyo.

Kung sawa naman sa malulungkot na gabing nag-iisa at naghahapunan habang nanonood ng telebisyon, ituon ang pansin sa pagpapaganda sa sarili at pagpapalawig ng iyong social circle.

Kalusugan

Para sa mga may problema sa kalusugan, hindi lamang dapat kumonsulta sa ilang doktor at sumailalim sa mga pagsusuri, ipasok ang mahahalagang pagbabago sa pamumuhay nang naaayon sa ipinayong medical indication.

Ngayon ay magiging mas madali para sa iyo ang mga bagay-bagay kaysa mga isinilang sa ibang panahon, Pare-pareho nating itinutulak ang bato (ng buhay) para marating ang tuktok ng ating buhay; ang pagkakaiba nga lang ay pabalik na ang Kambing dahil naabot na nila ang dapat marating at ngayo’y pabalik na para anihin ang benepisyo ng kanyang pagpupunyagi.

Realidad

Dahil ang taon ay su-werte para sa Kambing, ang pinakamaliit o mahinang effort ay bibigyan ng basbas at ayuda ng diyosang si Fortuna para marating agad ang nakatakdang destinasyon, habang ang iba nama’y magkakandakuba sa pagpupursigi na marating din ito.

Sa 2015, mahalaga na maging realistiko sa iyong mga kapabilidad at magtakda rin ng mga priyoridad para sa maayos na pagsasagawa ng mga tungkulin at gawain.

Kung malilinggit lamang na bato ang nina-nais, hindi mahihirapang ilipat ang mga ito sa ninananais na kalalagyan; dangan nga lang ay malilinggit din ang pabuyang matatanggap. Para sa pumili naman ng malaking bato, ha-hantong sa kawalan dahil tunay na hindi basta makaka-yanang buhatin o ilipat ang malaking bato nang nag-iisa at walang tulong.

Huwag maging pesimistiko o kahit optimistiko: hindi ito aprubado ng Wooden Sheep!

Pag-ibig

Kakaiba ang aanihing tagumpay sa larangan ng pag-ibig. Para sa mga binata at dalaga, sa 2015 ay makatatagpo ng taong posibleng maging kasama sa panghabambuhay; at sa may pamilya naman ay magdedesisyon para magkaroon pa ng supling o kaya’y lumipat ng tahanan. May mga pagbabagong darating at hindi dapat pangamba-han o katakutan. Sa halip, gumawa ng maraming bagay hanggang kaya at posible; tandaan, ang mga bituin ay kakampi mo ngayon kaya ang oportunidad sa pag-asenso ay mas lalong malaki at madali.

Ipinapayo rin naman ng horoscope na isaisip na hindi nakasalalay ang buhay sa pagngiti o pagpabor ng mga tala sa kalangitan, kundi sa pag-uugali rin. Kung hindi mahusay sa pakikipagkapwa o kulang sa kooperasyon, tatawagin kang matigas ang ulo tulad ng Kambing. Pero kung ikaw nama’y magi-ging magalang, mapagbigay at masipag, makakamit ang estado ng isang uring may dignidad.

Career

Naghihintay sa 2015 ang tagumpay para sa mga kinatawan ng mga creative profession dahil ang Wooden Sheep ay isang romantiko at pinong art lover. Magniningning ang iyong talent para umusad ng pasulong. Dangan nga lang ay hindi lahat ng hiyas ay may mataas na halaga.

May mga semi-precious, depektibo at pekeng alahas na kasama ng genuine na kayama-nan, ngunit ganito talaga ang ating buhay. Sa mga panahong ito, mahalaga ang mga bagay na iyong paniniwalaan at kung sino ang makukumbinsing iba para sa kanilang puhunanan; kaya kahit ang pinakasimpleng piraso ng babasagin ay magi-ging isang brilyante sa kalaunan.

Sa Year of the Wood Sheep, huwag pagkaabala-han ang iyong mga kalaban o yaong may inggit: ang iyong mga katunggali ay mapapatunayang mga peke at manloloko na gumagaya lamang sa husay ng iba para magkunwaring propesyonal at may talento.

Huwag matakot sa malalaking proyekto o mapansin ng nanunungkulan. Ang susi ay hindi madala ang damdamin sa papuri o kritisismo at manatiling nakatuon ang pansin sa paggampan ng tungkulin.

Hindi sang-ayon ang sansinukob sa pandaraya o pambobola. Sa 2015, subukang hulihin sa iyong lambat ang libog ng kaligaya-han ngunit huwag ibitag o pagtangkaan nang masama ang mga kasamahan sa trabaho at tahanan!

About hataw tabloid

Check Also

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Krystall Herbal Oil

Peleges sa noo nabanat ng Krystal Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,          Magandang araw …

Moira dela Torre Jethro Cerezo

Moira marami ang ginulat: sexy at  parang tin-edyer

SHOWBIZ KONEKni Maricris Valdez Nicasio MARAMI ang nanibago at ginulat ni Moira dela Torre nang ipakikala ito …

KWF PNU UP DLSU

Lagdaan ng Kasunduan ng KWF, PNU-LSC, UP-Lingg, at DLSU-Filipino para sa idaraos na Pandaigdigang Kumperensiya sa Nanganganib na Wika

Idinaos ang lagdaan ng Memorandum ng Kasunduan ng Komisyon sa Wikang Filipino (KWF), Language Study …

80 NorMin Regional RDI Committee members meets for 2024 plans, initiative

80 NorMin Regional RDI Committee members meets for 2024 plans, initiative

Eighty committee members of the Regional Research, Development, and Innovation Committee (RRDIC) of Northern Mindanao …

Leave a Reply

Your email address will not be published. Required fields are marked *