KORONADAL CITY – Masusing iniimbestiga-han ng mga awtoridad ang pagpatay sa isang principal na sinaksak at binaril sa Maligaya Columbio, Sultan Kuda-rat, kamakalawa.
Kinilala ang biktimang si Mutalib Salvo, officer-in-charge principal ng Sinapulan Elementary School.
Ayon kay Senior Insp. Teng Bakal, chief of Police ng Columbio Sultan Kudarat, pauwi mula sa paaralan ang biktima nang harangin ng hindi nakilalang mga suspek sakay ng motorsiklo sa bahagi ng Brgy. Maligaya
Pinagsasaksak ng mga suspek ang biktima at pagkaraan ay binaril bago mabilis na tumakas.
Masusing iniimbestigahan ng pulisya kung ano ang posibleng motibo sa krimen.
Beth Julian
