1 bagyo pahahabol sa 2014 (Ayon sa PAGASA)
HINDI pa dapat maging kampante ang publiko ukol sa mga dumarating na sama ng panahon kahit patapos na ang taon 2014.
Ayon sa Pagasa, maaaring may dumating na isa pang bagyo sa susunod na mga araw.
Inaasahang mabubuo ito sa silangang bahagi ng Filipinas ngunit hindi pa masabi ng weather bureau kung anong lugar ang tatamaan nito.
Sinabi ni Pagasa forecaster Jori Loiz, hanggang 20 bagyo ang regular na nabubuo at dumaraan sa Philippine area of responsibility (PAR).
Kaya maaaring masundan pa aniya ang tropical depression Ruby na pang-18 bagyo sa taon na ito.
