SUGATAN ang isang ina gayondin ang kasama niyang tatlong mga anak makaraan mabangga ng motorsiklo ang sinasakyan nilang pedicab sa Brgy. San Rafael, Lagonoy, Camarines Sur kamakalawa.
Kinilala ang mga biktima na si Susan Pangilinan, 32, at tatlo niyang mga anak na sina Rodelyn, 6; Ronalyn, 4; at 8-buwan gulang sanggol.
Sa imbestigasyon ng mga awtoridad, papunta ang mag-iina sa Brgy. Camagong, San Jose sakay ng pedicab nang mabangga ng isang motorsiklo.
Tumakas ang driver ng na-sabing motorsiklo makaraan ang nasabing insidente.
(BETH JULIAN)
