Sam, ‘di nag-alangang sumabit sa Starex, ‘wag lang sumabit ang sasakyan

NATUWA kami sa ibinalita sa amin tungkol kay Sam Milby noong Sabado ng hapon habang pumapasok daw sa parking lot ang Starex van niya sa Ayala Fairview Terraces ay nakitang nakasabit ang aktor sa labas ng pintuan para i-check kung sasabit ang bubungan ng sasakyan niya dahil mababa ang ceiling ng parking lot.

Nag-alangan daw si Sam kaya sinabihan niya ang driver niya na dahan-dahan silang pumasok sa Ayala Fairview Terraces parking lot.

Natatawa ang mga nakakita dahil parang hindi raw artista si Sam kasi wala siyang pakialam kung may makakita sa kanya sa ganoong sitwasyon samantalang ‘yung ibang artista ay ibinibilin sa mga kasama o driver.

“Sobrang humble ni Sam, parang hindi artista,” sabi sa amin.

Wala ring nagawa ang marshalls na sumundo kay Sam nang iabot mismo ng aktor ang kamay sa mga gustong makipag-kamay sa kanya habang papasok ng mall.

As of this writing ay pawang mall shows ang pinagkakaabalahan ng singer/actor at paghahanda sa bagong album mula sa Star Records at shooting ng pelikulang Ex with Benefits kasama si Coleen Garcia mula sa direksiyon ni Gino Santos produced ng Skylight Films.

ni Reggee Bonoan