HATAW! D'yaryo ng Bayan hatawtabloid.com
ANG sunod-sunod na shooting ng Feng Shui ni Kris Aquino ang dahilan kaya wala siya sa ABS-CBN Christmas Station ID 2014 na ini-launch noong Huwebes, Nobyembre 13.
Kaliwa’t kanan ang tanong ng netizens kung bakit wala raw ang Queen of All Media sa nasabing station ID ng nasabing network.
Tinext namin si Kris tungkol dito pero hindi kami sinagot at sabi ng personal assistant niyang si Alvin Cagui ay natutulog daw dahil puyat sa shooting ng Feng Shui.
Base naman sa post ng headwriter ng Kris TV na si Darla Sauler, ”sa kanyang (Kris) post kagabi ng picture nila ng Presidente ng Mexico – His Excellency President Enrique Pena Nieto, na sinalubong niya on behalf of her brother President Noy, may isang nag-comment kay Krissy, nagtatanong kung bakit nga wala siya sa station ID.
Ito raw ang sagot ni Kris, ”(@idmaykel) I was in Japan taping ‘Kris TV’ when the Thank You spiels were being taped, then super na busy sa FENG SHUI.”
Hindi naman nabanggit ni Darla kung may part two ang Christmas Station ID 2014.
ni Reggee Bonoan
