deadPINATAY ng 17-anyos binatilyo ang isang 68-anyos lola makaraan mapagkamalan na magnanakaw sa eskinita sa Brgy. North Fairview, Quezon City.
Kinilala ang biktimang si Violeta Garcia, duguan ang ulo at nangingitim ang leeg na mistulang sinakal at nakalilis ang leggings nang makitang nakahandusay malapit sa kanyang bahay kahapon ng madaling- araw. Lumitaw sa pagsusuri na namatay sa saksak ang biktima.
Ayon sa panganay na anak ng biktima, nag-inoman sila kamakalawa ng gabi ng kanyang ina at ilang kapatid. Ngunit umalis ang kanilang ina at hinanap nila dakong hatinggabi ngunit hindi nakita.
Dinampot ng mga barangay tanod ang isang 17-anyos at pagdating sa tanggapan ng Criminal Investigation and Detection Unit (CIDU) ay umamin sa pagpatay sa matanda.
Kwento ng menor de edad, pinagkamalan niyang magnanakaw ang lola kaya napatay niya.
Sinabi ng mga tanod na maraming kabataan ang gumagamit ng illegal na droga sa kanilang lugar.
Nai-turn over na sa Department of Social Welfare and Development (DSWD) ang binatilyo ngunit tuloy pa rin ang pagsasampa ng kaso at ipauubaya na sa korte ang pagpapapanagot sa krimen.
Almar Danguilan