KAPWA sugatan ang mag-asawang senior citizen dahil sa pananaksak ng kanilang lasing na pamangkin matapos pag-sabihan tungkol sa palagi niyang pag-iinom sa loob ng kanilang bahay sa Caloocan City.
Ginagamot sa Dr. Jose N. Rodriguez Memorial Hospital sina Carlos Alipin, 69, Elena Dein, 64, residente sa 975 Ilang-I-lang St., Barrio Concepcion, Brgy. 188, Tala ng nasabing lungsod.
Agad naaresto ang suspek na si Ben Bartulata, 35, pamangkin ni Elena, nakikitira sa bahay ng mag-asawa, nahaharap sa kasong attempted homicide at illegal possession of deadly weapon.
Batay sa ulat ni PO3 Reynaldo Placido, dakong 10:30 p.m. nan dumating na lasing ang suspek.
Sinita ng mag-asawa ang suspek dahil laging naglalasing imbes maghanap ng trabaho.
Dahil dito, uminit ang ulo ng suspek kaya kumuha ng patalim saka inundayan ng sunod-sunod na saksak ang mag-asawa.
Rommel Sales
