Friday , January 28 2022

Mag-utol, 1 pa nasakote sa carnapping, P.5-M RTWs nakaw

TATLO katao ang nadakip kabilang ang magkapatid na sinasabing sangkot sa karnaping at pagbili ng nakaw na RTW items na nagkakahalaga ng kalahating milyon kamakalawa sa Parañaque City.

Si Donna Gamad-Peralta at kapatid niyang si Warlito Gamad, ng Brgy. Bugtong, Lipa City, at Ronald Escultor, 31, ng Palanyag, Brgy. San Dionisio, ay nasa kustodiya na ng Parañaque Police.

Sa ulat na natanggap ni Parañaque City Police chief, Sr. Supt. Ariel Andrade, naaresto ang magkapatid na Donna at Warlito dakong 8:20 p.m. ng kanyang mga tauhan sa tulong ng mga kagawad ng Southern Police District (SPD) sa isang follow-up operation sa Lipa City, Batangas

Narekober sa lugar ang isang ten wheeler Isuzu truck (UVL-154) na pag-aari ng chairman ng Brgy. San Miguel, Santo Tomas, Batangas na nangngangalang Jerome Manzanilla, at naglalaman ng RTW items.

Nauna rito, sinabi ng ginang (Donna) na namili sila ng assorted RTW items kasama ang nakababata niyang kapatid na si Sheila alias Edith, na nagkakahalaga umano ng P500,000, nakalagay sa da-lawang aluminum van.

Ngunit nang beripikahin ang produkto, walang maipakitang legal na dokumento si Donna, kaya naghinala ang mga pulis na mga nakaw ito.

Nadiin ang magkapatid na Donna  at Warlito nang kompirmahin ni James Limquaco na ang RTW items na nakompiska mula sa mga suspek ay pag-aari niya at nawala ang mga ito (138 sacks) habang nakatago sa pag-aari niyang  AMES Warehouse sa 515 Quirino Avenue, Brgy.Tambo, Parañaque City.

Sa patuloy na follow-up operation ng mga awtoridad naaresto si Escultor nang positibong ituro ni Limquaco na siyang tumutok sa kanya ng baril at tumangay ng kanyang Hi-Ace van.

Sinampahan ng kasong paglabag sa Presidential Decree 1612, Anti-Fencing Law ang magkapatid na Donna at Warlito habang si Escultor ay sinampahan ng kasong robbery at caranapping sa Parañaque City Prosecutor’s Office.

Jaja Garcia

About hataw tabloid

Check Also

Manny Villar ABS-CBN

Broadcast frequencies ng ABS-CBN, ‘nasulot’ ni Villar

MALABO nang mabawi ng ABS-CBN ang kanilang prankisa sa susunod na administrasyon dahil ibinigay na …

Duterte, ‘maritess’ na pangulo — netizens

BUKOD sa tawag na lameduck, tinaguriang ‘Marites’ o taong mahilig sa tsismis si outgoing President …

Defensor kinutya sa mga maling paratang sa QC

HATAW News Team KAMAKAILAN may mga ikinalat si Anak Kalusugan Party-list representative Mike Defensor na …

Sa ‘Landbank theft’
SANLINGGO ULTIMATUM NG TEACHERS SA DEPED

ni ROSE NOVENARIO             ISANG linggo ang ibinigay na ultimatum ng mga guro sa Department of …

Bongbong Marcos

Mariing itinanggi BBM: Walang ‘Tallano gold’

MARIING itinanggi ni presidential aspirant Ferdinand “Bongbong” Marcos, Jr., ang sinasabing Tallano gold sa gitna …

Leave a Reply