HATAW! D'yaryo ng Bayan hatawtabloid.com
CAUAYAN CITY, Isabela – Patay ang driver ng dalawang motorsiklo dahil sa lakas ng impact ng kanilang banggaan dakong 10 p.m. kamakalawa ng gabi sa national highway ng Victoria, Alicia, Isabela.
Patay ang driver ng Honda TMX motorcycle na walang plaka na si Jordan Policarpio, 27, residente ng Gumbauan, Echague, Isabela at ang hindi pa nakilalang driver ng isang Euro motorcycle.
Agad namatay si Policarpio habang ang driver nang nakasalpukang motorsiko ay naisugod pa sa ospital ngunit dead on arrival.
Patuloy ang imbestigasyon ng pulisya sa Alicia, Isabela para malaman ang pagkakilanlan ng isang pang driver.
