2 pulis nag-duelo sibilyan dedbol

BINAWIAN ng buhay ang isang sibilyan nang maipit sa barilan ng dalawang pulis sa Brgy. Mahabang Parang, Angono, Rizal kamakalawa.

Kinilala ang biktimang si Isidro Magpali, 47, tiyuhin ng isa sa nagbarilang dalawang pulis.
Ayon kay Angono Police Supt. Lucilo Laguna Jr., galing sa bundok si Supt. Wilson Magpali kasama ang tiyuhing si Isidro makaraan bumisita sa isang kaanak.

Pababa na sina Wilson at Isidro nang matapat sa bahay ni SPO2 Edison Descalsota, 50, ng CIDG-Camp Crame, na nakikipag-inoman sa ilang sibilyan.

Sinasabing nahawakan ni Isidro ang kotse ni Descalsota. Sinisilip na dahilan ni Laguna, “Hindi natin alam kung gusto umihi sa gilid ng kotse.”

Habang may nakapagsabi aniyang nag-uusap lang ang magtiyuhin nang biglang may sumampal kay Wilson kaya nagpaputok siya ng baril. Sinita ng mga kasama ni Descalsota ang pulis. Ngunit isa sa mga sibilyan ay kumuha ng baril kaya nag-umpisa ang barilan.
Nang marinig ni Descalsota ang putukan, kumuha na rin siya ng baril at nagpaputok.

Ed Moreno