Wednesday , January 19 2022

Suspek sa rape sa UPLB student natimbog

073014 arrest posas

ARESTADO na ang tricycle driver na suspek sa panghahalay sa isang freshman student ng University of the Philippines Los Baños (UPLB) kahapon ng madaling araw.

Ayon kay Sr. Supt. Florendo Saligao, direktor ng Laguna PNP, 12:45 a.m. nang maaresto ang 26-anyos na si Jose Montecillo y Vivas alyas Joey, sa bahay ng kanyang tiyahin sa Calauan, Laguna habang nagtatago.

Bago naaresto ang suspek, Huwebes ng madaling araw nang simulan ng pulisya ang imbestigasyon at napag-alamang may live-in partner ang suspek na naka-confine sa Bay District Hospital na kapapanganak pa lamang sa ikalimang supling nila.

Ibinigay sa mga pulis ng asawang naka-confine sa ospital, ang sulat na ipinadala sa kanya ni Joey sa pamamagitan ng kapatid ng suspek.

Nakasaad sa sulat ang paghingi ng tawad ng suspek sa nagawang krimen at sinabing ingatan ng partner ang bahay nila at mga anak dahil magtatago muna siya.

Sasampahan si Joey ng kasong rape makaraan positibong kilalanin ng biktima.

Nakatakdang isailalim ang suspek sa drug test. (BETH JULIAN)

RAPE SUSPECT LOLO NAGBIGTI

MISTULANG hinatulan ng kamatayan ng isang 67-anyos lalaki ang kanyang sarili nang magbigti kamakalawa ng hapon sa Valenzuela City bunsod ng kinakaharap na kasong statutory rape.

Kinilala ang biktimang si Jesus Dumanjog, biyudo, residente ng RMS Ville, Upper Tibagan St., Brgy. Gen. T. De Leon ng nasabing lungsod.

Sa ulat nina SPO3 Armando Delima at PO3 Ronaldo Subosa, dakong 12:30 p.m. nang matuklasan ang nakabigting biktima sa loob ng kanyang bahay.

Salaysay ng apo ng biktima na si Quenie Rose, hinahanap niya ang kanyang lolo at natagpuan na lamang na nakabigti sa ikatlong palapag ng kanilang bahay.

May kinakaharap na kasong statutory rape ang biktima at nakatakdang magtungo sa korte ngayong linggo para sa paglilitis.

(ROMMEL SALES)

About hataw tabloid

Check Also

Covid-19 Kamara Congress Money

Sesyon suspendido dahil sa pagtaas ng covid-19 cases

SINUSPENDE ni House speaker Lord Allan Velasco ang sesyon ng Kamara dahil sa dumaraming kaso …

Senate Philippines

Total lockdown sa Senate Bldg. pinalawig pa

PINALAWIG pa ang naunang pagsasara o total lockdown ng mismong gusali ng senado na nasgimula …

Menardo Guevarra DOJ BuCor

Nagsumbong sa Malacañang
GUEVARRA DESMAYADO SA KARAHASAN SA BUCOR

MATAGAL nang desmayado si Justice Secretary Menardo Guevarra sa mga karahasang nagaganap sa Bureau of …

011922 Hataw Frontpage

Obrero lusot sa ‘no vax, no ride policy’

ni ROSE NOVENARIO MATAPOS maperhuwisyo ang daan-daang manggagawa na hindi pinayagan sumakay ng mga awtoridad …

marijuana

Sa Cabanatuan, Nueva Ecija
P.3-M ‘OMADS’ NASAMSAM

NAKOMPISKA ng mga awtoridad ang mahigit P300,000 halaga ng hinihinalang marijuana sa ikinasang anti-illegal drug …

Leave a Reply