Mga Paraan sa Pagtitipid

NARITO naman ang ilang pamamaraan para makapagtipid sa ating mga pang-araw-araw o buwanang gastusin.

Magtipid sa elektrisidad

at tubig

Narito ang ilang paraan para makapagtipid sa ating budget at makatulong din sa ating environment.

Pagtitipid sa elektrisidad:

Patayin ang heater, air-conditioner at ilaw sa silid na hindi ginagamit.

Hayaan ang mga kurtina o blinds na nakasara sa gabi para mapanatili ang temperatura sa silid.

Patayin ang electrical appliances sa powerpoint.

Patayin ang TV at computer kapag walang gumagamit.

Gumamit ng ‘energy efficient’ na ilaw.

Buksan lang ang washing machine at dishwasher kapag puno ito.

Pagtitipid sa tubig:

Mag-shower sa loob ng dalawang minuto lang.

Gumamit ng ‘grey water’ mula sa inyong washing machine o shower para di-ligan ang mga halaman.

Maglagay ng water efficient na dutsa (shower head).

Maglaba ng damit gamit ang malamig na tubig.

Pagtitipid sa grocery:

Magdala ng listahan para walang maka-limutan sa ating bibilhin. Bilhin lang ang mga bagay na nasa listahan. Magiging mas madali para sundin ang ating budget kapag ginawa ito.

Ilagay ang ating grocery money sa loob ng isang envelope. Huwag magdala ng ibang pera o credit card habang namimili para hindi mapagasta nang labis sa itinak-dang pamimili.

Bumili ng bulto at mag-grocery shopping kada isang linggo. Gamitin muna ang lahat ng napamili bago bumili pa ng supply.

Kumain bago pumunta sa grocery o supermarket. Kapag hindi nagugutom, may tendency na bumili ng kaunti lamang.

Baguhin ang pag-uugali

(bisyo) at magtipid

Ang maliliit na pagbabago sa ating pag-uugali (o bisyo) ay maaaring magkaroon ng malaking epekto sa ating bank account. Baguhin ang isang bagay na ginagawa nang regular at maaaring makapagtipid ng pera. Ilang mga halimbawa ang sumusunod:

Pigiling uminom ng kape o magbawas sa alak (alcohol) na iniinom—maa-aring nakakatakot ito gawin subalit makakatulong sa ating pagtitipid at makapagbibigay ng benepisyo sa kalusugan.

Kanselahin ang gym membership at sa halip ay maglakad kung pupunta sa malalapit na lugar.

Mananghalian sa ating tahanan.

Imbitahin ang mga kaibigan na maghapunan sa ating tahanan kaysa kumain pa sa labas at hilingin sa bawat bisita na magdala ng sariling ulam.

Itago ang credit card ng isang buwan at magbayad lang ng cash.

Magtakda ng limitasyon sa mga regalo para sa kaarawan at Pasko o magbigay ng mga homemade gifts.

 

 

KInalap ni Tracy Cabrera