3 preso pumuga sa Tanauan jail
TACLOBAN CITY – Patuloy na pinaghahanap ng mga awtoridad ang tatlong presong nakatakas mula sa Tanauan Jail kamakalawa.
Kinilala ang mga puganteng sina Jerry Igilos, 36, at Luciano Cinco, 26, parehong mga residente ng Brgy. Canramos, Tanauan Leyte, at nahaharap sa kasong pagkalabag sa RA 9165; at Nino Porillo, 30, tubong Talalora Samar, may kasong estafa.
Ayon kay Senior Insp. Alberto Renomeron ng Tanauan Police Station, nawalan ng koryente sa nasabing bilangguan kaya nagkaroon ng pagkakataon ang mga suspek sa pagtakas.
