HATAW! D'yaryo ng Bayan hatawtabloid.com
MAGTATAPOS na ba ang Be Careful With My Heart?
Kaya namin ito naitanong ay dahil may mga next project na ang ibang cast ng nasabing kilig-serye nina Richard Yap at Jodi Sta. Maria.
Nakuha namin ang impormasyong si Jodi pala ang gaganap na Ms Amor Powers sa remake ng seryeng Pangako Sa ‘Yo na pagbibidahan nina Daniel Padilla at Kathryn Bernardo na nakatakdang gawin next year, 2015.
Ayon pa sa taga-production, “sure na po na next year ang airing kasi dami na naghahanap ng serye ng KathNiel, eh.”
Going back to Jodi, imposibleng magdalawang serye siya, ‘di ba Ateng Maricris? Inuumaga ang taping ng Be Careful With My Heart kaya paano niya isisingit ang Pangako Sa ‘Yo? Eh, marami ring eksena si Amor Powers.
Contrast ang role ni Jodi sa BCWMH at PSY dahil sweety-sweety siya sa una at kontrabida naman siya sa ikalawa.
Hmm, hindi kaya isinama sina Daniel at Kathryn sa Be Careful With My Heart ngayon para magkaroon na rin ng bonding kasama si Jodi?
Iisa ang tanong ng lahat, kailan matatapos ang serye nina Ser Chief at Maya?
ni Reggee Bonoan
