Friday , January 28 2022

Sa Ibabaw ng Lahat… Pag-ibig (Part 13)

00 ibabaw pagibig

SUSTENTO MULA SA NOBYONG FIL-AM ANG KALABAN NI LEO

Ipinarating din kay Leo ni Angie na parang nagsasakit-sakitan lamang ang Mommy Minda ni Gia upang mapasunod nang mapasunod sa mga kagustuhan ang anak. Umaarte raw ang ina ng kaibigan nito na inaatake sa puso kapag nagagalit o sumasama ang loob.

“Kaya naman takot sumuway si Gia sa mommy niya… na pati sarili niyang buhay ay pinanghihimasukan,” ayon kay Angie.

“E, bakit naman halos ipagtulakan na si Gia ng kanyang mommy kay Andrew?” naitanong ng binatang pintor.

“Kasi’y mukhang pera ang nanay niya…” ang nakuha niyang kasagutan sa kaibi-gan ni Gia.

Nagsa-mahabang dila si Angie sa pagbubulgar na “sa sulsol ni Mommy Minda” ay tinatanggap tuloy ni Gia ang buwanang sustento na ipinapadala ni Andrew. Malaking halaga raw iyon na tulong sa pamilya ng mag-iina. At sinasagot rin daw ng binatang Fil-Am pati na pag-aaral sa kolehiyo ng dalawang nakababatang kapatid ng dalagang nililigawan ni Leo.

“”Pero nangumpisal sa akin si bes (ang tinutukoy ay si Gia)… Nababaitan siya sa iyo… At kung ‘di raw niya pipigilin ang sarili ay baka tuluyan umanong ma-in love siya sa ‘yo,” ang mga katagang pakonsuwelo ni Angie sa kausap na binata.

Pinatatag ni Leo ang kanyang dibdib. At kung kinakailangan din na pakapalin ang mukha ay gagawin niya. Linggo ng hapon uli nang dumalaw siya kay Gia. Nasilip niya sa sala ng kabahayan ang mga nakababatang kapatid ng dalaga; isang kabataang babae na labing-pitong taon ang edad, at isang binatilyong labing-limang taon gulang. Napangiwi ang mga mukha ng dalagita at binatilyo nang diretsahan siyang soplahin ni Mommy Minda na nagbukas ng pinto. “Malapit nang ikasal ang anak ko kaya ‘di ka na dapat nagpupunta rito,” anitong pagalit kay Leo.

“G-gusto ko lang po sanang makausap siya kahit saglit na saglit lang…” aniyang tila may kung anong nakabara sa lalamunan.

“Umalis ka na!” singhal sa kanya ni Mommy Minda.

Biglang sumulpot si Gia na umawat sa pagsusungit ng ina.

“T-tama na po ‘yan, Mommy…” ang pakiusap ng dalaga.

“Ano na lang ang sasabihin ni Andrew ‘pag tinanggap mong bisita ang lalaking ‘yan?” panduduro ng ina sa mukha ng anak.

Lumapat sa braso ni Leo ang nanlalamig na palad ni Gia. (Itutuloy)

ni Rey Atalia

About hataw tabloid

Check Also

Krystall Herbal Oil, Krystall Nature Herbs

Sipon at ubo tanggal sa Krystall herbal oil suob at mainit na Krystall nature herbs

Dear Sis Fely Guy Ong, Ako po si Rencel Eustaquio, 38 years old, taga-Pakil, Laguna. …

Krystall Herbal Oil

Lagnat, ubo, at sipon tatlong araw lang sa FGO Krystall herbal products

Back to BasicNATURE’S HEALINGni Fely Guy Ong Dear Sister Fely Guy Ong, Ako po si …

Krystall Herbal Oil, mosquito bite, Kagat ng lamok

Insect bites at peklat ‘walang sinabi’sa Krystall Herbal oil

Back to BasicNATURE’S HEALINGni Fely Guy Ong Dear Sis Fely Guy Ong,             Ako po …

Loiegie Dano Tejada

CEO & president ng Ms L’s Beauty and Wellness artistahin

MATABILni John Fontanilla ARTISTAHIN ang CEO & President ng napakatagumpay na negosyo na Ms L’s Beauty …

Alma Concepcion Rhea Tan Beautederm

Alma Concepcion proud user, seller, at ambassador ng Beautederm

ALAM MO NA!ni Nonie Nicasio IPINAHAYAG ni Alma Concepcion na proud siya sa mga produkto …

Leave a Reply