Ejay at Meg, nahuling magka-date sa Ortigas

ni Roldan Castro

NAHULING magka-date sina Meg Imperial at Ejay Falcon sa bandang Ortigas. Pagkatapos magsama sa Ipaglaban Mo ay mukhang gumanda ang pagtitinginan nila.

Balitang pareho silang single kaya puwede naman sila magkaroon ng magandang pagkakaunawaan. Matagal nang break sina Ejay at Yam Concepcion. Wala ring boyfriend si Meg kaya parehong walang magagalit sa bawat kampo nila.

Nanliligaw na ba si Ejay kay Meg?

“’Di po Tito. Nagkita lang kami sa gym (Gold). Malapit kasi sa akin ang Robinsons Galleria. Kaya roon din ako nag-mall. ‘Di naman po nililigawan he!he!he! Ligaw agad???haha,” tugon  ni Ejay nang i-chat namin siya sa kanyang Facebook account.

First time nilang nagkatrabaho sa Ipaglaban Mo at ngayon ay nagba-bonding na.

“Mabait naman siya, eh. Pero work-work muna hehe,” sambit pa ni Ejay.

Naku ha, nagsisimula lang sa ganyan at posibleng lumalim ang date –date na ‘yan, huh!