[divider]
HAHARAP sa malaking pagsubok ang mga karakter nina Nash Aguas at Alexa Ilacad sa pagpapatuloy ng kanilang Wansapanataym special kasama ang boy group na Gimme 5.
Sa Wansapanataym Presents Perfecto ngayong Sabado at Linggo (Setyembre 13 at 14), unti-unti nang magbabago ang pagtingin ni Kylie (Alexa) kay Perry (Nash) nang matuklasan niyang ginagamit ng kaibigan ang isang mahiwagang nilalang para makuha ang lahat ng gusto niya.
Tuluyan na bang masisira ang pagkakaibigan nina Perry at Kylie dahil sa kagustugan ni Perry na maging perpekto?
Bahagi rin ng Perfecto sina Matet de Leon, Vandolph Quizon, Candy Pangilinan, Melai Cantiveros, Alexa Macanan, at ang mga miyembro ng Gimme 5 na sina John Bermundo, Joaquin Reyes, Brace Arquiza, at Grae Fernandez mula sa panulat ni Joel Mercado at direksiyon ni Onat Diaz handog ng Dreamscape Entertainment Television na original story book ng batang Pinoy na Wansapanataym ay ang longest-running at most-awarded fantasy-drama anthology ng ABS-CBN.
Huwag palampasin ang pagpapatuloy ng Wansapanataym Presents Perfecto ngayong Sabado, 7:15 p.m. pagkatapos ng Home Sweetie Home at Linggo, 7:00 p.m., pagkatapos ng Goin’ Bulilit sa ABS-CBN. Para sa karagdagang updates, mag-log on sa www.abs-cbn.com o sundan ang @abscbndotcom sa Twitter.
ni Reggee Bonoan
