DUMATING na sa bansa ang labi ng Filipino na pinugutan sa Benghazi, Libya noong Hulyo.
Lulan ng eroplanong lumapag sa Ninoy Aquino International Airport (NAIA) kahapon ng madaling araw ang labi ng Filipino construction worker na emosyonal na sinalubong ng kanyang mga kaanak.
Matatandaang kasama ng biktima ang isang Libyan at Pakistani nang harangin sa isang checkpoint sa Libya noong Hulyo 15.
Hulyo 20 nang hingian ang kompanyang pinagtatrabahuan ng Filipino ng halagang $160, 000 ransom money kapalit ng biktima ngunit nalaman nilang pinugutan na at matagal nang patay.
