Pamilya ni Vhong, haharap sa malaking hamon

MASASANGKOT sa malaking kaguluhan ang mga karakter nina Vhong Navarro, Carmina Villarroel, at Louise Abuel sa pagpapatuloy ng kanilang top-rating Wansapanataym special na Nato de Coco ngayong Sabado at Linggo (Agosto 23 at 24).

Sa paglipas ng panahon na ipinagkaloob kay Oca (Vhong), haharap ang kanyang pamilya sa isang malaking hamon dahil sa pagkatuklas ng ibang tao na siya ay isang buko. Ano ang gagawin ni Oca para matulungan ang kanyang anak na si Nato (Louise) sa mga panghuhusga ng mga kaaway nito? Makahahanap na nga ba sila ng ebidensiya na si Keith (Epy Quizon) ang nandaya sa basketball championship game at ang nag-utos na ipapatay si Oca?

Bahagi rin ng Nato de Coco sina Ella Cruz, Joshua Dionisio, at Yogo Singh. Ito mula sa panulat ni Noreen Capili at idinirehe ni Lino Cayetano handog naman ng Dreamscape Entertainment Television mula sa original storybook ng batang Pinoy na Wansapanataym ay ang longest-running at most-awarded fantasy-drama anthology ng ABS-CBN.

Huwag palampasin ang Wansapanataym Presents Nato de Coco.

ni Reggee Bonoan