‘Ngek’, sagot ni Vice sa dayaan ng Ganda Lalake portion ng Showtime

MAY dayaang nangyari raw sa Showtime na Ganda Lalake episode noong Sabado (Agosto 9), ito ang sabi sa amin ng texter.

Mensahe sa amin, “good day, may scoop ako sa ‘yo. Alam mo ba na may dayaan sa Ganda Lalake episode last Saturday? Dapat ang panalo ay ‘yung contestant #1, pero binago ang score niyon; contestant #2 para manalo kasi kaibigan ni Vice (Ganda) ‘yung nagpasok doon sa contestant (2). Obvious na nega ang comment nina Coleen (Garcia) at ‘yung Mr. Chinatown pero gulat lahat bakit 10 ang score nila. Sana imbestigahan ito ng MTRCB. Kaya pala may adlib si Vice na hindi pa yata tapos i-tally ang socre, ‘yun pala doctor pa nila.”

Inalam namin kung sino ang ka-text at kung paano nalaman ang numero namin, “avid studio viewer po ako ng ‘Showtime’ pero awa ako sa deserving contestant na dapat manalo. Nag-research po ako.”

Tinext namin si Vice tungkol dito at ang tanging sagot lang, “NGEK!”

Binanggit ulit namin na natagalang i-tally ang scores dahil nagkaka-doktoran pa at ang sagot ulit ni Praybeyt Benjamin, “NGEK! NGEK!”

ni Reggee Bonoan