HATAW! D'yaryo ng Bayan hatawtabloid.com
ni Roland Lerum
BOYFRIEND na ni Mommy Dionisia Pacquiao si Michael na naging escort niya noong birthday party. Pero hindi muna niya ito ipinakilala sa kanyang mga anak.
Nahalata ito ni Manny at siya mismo ang nagsabi nito sa madla. Pero idinenay ito ni Mommy D. noon. Ngayon, umamin na siyang may boyfriend nga siya.
“Mabait kasi siya kaya na in-love ako sa kanya,” sabi ni Mommy D.
Hindi pa legal na hiwalay si Mommy D. sa una niyang asawa na tatay ni Manny. Gayunman, sabi niya, ”Ayokong ibuhos ang pagmamahal ko ng buong-buo sa boyfriend ko ngayon. Kailangan, magtira rin ako ng kaunti para sa sarili ko.”
IBONG ADARNA, KINUNAN SA BIRHENG LUGAR NG ‘PINAS
HANGGANG ngayon, paborito pa ring kuwento ng Pinoy ang Ibong Adarna. Istorya ito ng isang prinsipe at dalawang kapatid na nakipagsapalaran para hanapin ang Ibong Adarna na lunas sa mahiwagang sakit ng kanyang ama.
Sa pelikula ni Jun Urbano, binago ang plot o buod ng istorya pero ganoon pa rin ang tinutumbok—paghanap sa Ibong Adarna para gumaling ang hari o sultan.
Ang pelikulang Ibong Adarna : The Pinoy Adventure ay tiyak na kalulugdan ng mga manonood, hindi lang sa makulay na eksena nito kundi sa paggamit na rin ng makabagong tekniko ng digital magic at HD (high definition) processes.
Impresibo ang cast sa pangunguna nina Rocco Nacino, Joel Torre, Angel Aquino, Leo Martinez, Benjie Paras, Ronnie Lazaro, at Lilia Cuntapay bilang mangkukulam na si Bruha.
Marami na ang gustong makapanood ng modernong Ibong Adarna na kinunan daw sa isang birheng lugar sa ‘Pinas. In-short, kaibig-ibig ang location at ang makulay na anyo ng ibong adarna. Pagmamalaki ni direk Jun.
