Wednesday , June 29 2022

Ampatuan lawyers kumalas sa kaso (Delaying tactic?)

PERSONAL na matatanggap ng mga akusado sa Maguindanao massacre case ang ano mang court decision, orders, resolutions at iba pang direktiba makaraan magbitiw ang mga miyembro ng kanilang defense counsel.

Kabilang sa mga naghain ng kani-kanilang notice of withdrawals ay sina Atty. Sigfrid Fortun ng Fortun, Narvasa, Salazar Law Firm; Atty. Andres Manuel ng Manuel Law Office; at Atty. Paris Real, Atty. Emmanuel Brotarlo at Atty. Sherwin Real ng Real, Brotarlo at Real Law Office.

Ayon sa Quezon City Regional Trial Court (RTC) Branch 221, mismong ang mga akusado ang padadalhan nila ng mga notice sa Camp Bagong Diwa, habang wala pa silang bagong set ng abogado.

Para sa korte, obligado ang panig ng depensa na resolbahin ang sarili nilang suliranin.

Ang pagkalas ng tatlong law firms ay inaasahang makaaapekto sa pag-usad ng kaso para sa 24 akusado.

Kabilang sa walang abogado ngayon ay sina Andal Ampatuan Sr., Andal Ampatuan Jr., Sajid Islam Ampatuan, Anwar Ampatuan, Akmad Ampatuan Sr., Anwar Ampatuan Jr., Sajid Anwar Ampatuan, Mohades Ampatuan at Misuari Ampatuan.

Hinala ng private prosecutors at kampo ng mga biktima, bahagi iyon ng delaying tactics, lalo’t nabatid na noon pang Hunyo ginawa ang withdrawal notice.

AMPATUANS BIBIGYAN NG ABOGADO — PALASYO

INIHAYAG ng Palasyo na bibigyan ng gobyerno ng abogado mula sa Public Attorney’s Office (PAO) ang mga Ampatuan para maipagtanggol ang kanilang mga sarili sa Maguindanao massacre case.

Ito ang sinabi kahapon ni Deputy Presidential Spokesperson Abigail Valte makaraan umatras bilang mga abogado ng mga Ampatuan sina Sigfrid Fortun, Andres Manuel at Paris Real.

Aniya, umaasa ang Malacanang na ang pag-alis ng naturang mga abogado ay hindi sinadya para maantala ang paglilitis sa kaso.

“We certainly hope this withdrawal of the accused’s lawyers is not intended to delay the trial. In any case, the DoJ panel of prosecutors are on guard against dilatory tactics. After a certain period of time, under the Rules of Procedure, if a lawyer is not retained by the accused, he or she will have to be defended by a public attorney,” ani Valte.

Nauna rito, inakusahan ng private prosecutors ang government prosecutors, sa pangunguna ni Justice Undersecretary Francisco Baraan, nang pagtanggap ng multi-milyong suhol mula sa mga Ampatuan para pahinain ang kaso laban sa mga akusado.

(ROSE NOVENARIO)

About hataw tabloid

Check Also

hajj mecca muslim NCMF

Programa ng PH gov’t sa Hajj ipinarerebisa

IPINAREREBISA ni Deputy Speaker Mujiv Hataman ang programa ng gobyerno sa mga Muslim pilgrim sa …

dead baby

95 batang Pinoy patay sa malnutrisyon kada araw

MAY siyamnapu’t limang batang Filipino ang namamatay kada araw dulot ng malnutrition. “The fragmented and …

Oil Price Hike

Kompanya ng langis may bagong dagdag-presyo sa petrolyo

MAGPAPATUPAD ngayong araw, 28 Hunyo, ng dagdag presyo sa produktong petrolyo ang mga kompanya ng …

‘Flush valves’ gang umiskor sa NAIA

 ‘Flush valves’ gang umiskor sa NAIA

NASORPRESA ang Manila International Airport Authority (MIAA) sa nakawang nangyari sa mga pampublikong palikuran sa …

062822 Hataw Frontpage

PH health frontliners ‘itinaboy’ ng bulok na sistema

ni Rose Novenario MISTULANG gobyerno ang nagtataboy sa health care workers para mag-abroad kaya nakararanas …

Leave a Reply