KC Concepcion eeksena sa tambalang Coco at Kim mga aktor na magpapatuloy ng Ikaw Lamang makikilala na ngayong Agosto

ni Peter Ledesma

Parating na ang malaking pagbabago nga-yong Agosto sa toprating “master teleserye” ng ABS-CBN na “Ikaw Lamang” sa pagpasok ng mga bagong karakter na bibigyang-buhay ng ilan sa pinakamahuhusay na aktor sa bansa. Matapos gampanan ang mga karakter nina Samuel at Isabelle, ipagpapatuloy ng grand slam Best Actor of the Year na si Coco Martin at 2014 Yahoo! Actress and Celebrity of the Year Kim Chiu ang kwento ng “Ikaw Lamang” bilang ang susunod na henerasyon ng pamilya Hidalgo at Severino na sina Gabriel at Andrea. Makakasama nila ang 2014 FAMAS Best Actress na si KC Concepcion, na gaganap bilang ang nakatatandang ka-patid ni Andrea na si Natalia. Tampok naman sa “Ikaw Lamang” simula ngayong Agosto ang seasoned actors na sina Amy Austria bilang Isabelle, Joel Torre bilang Sa- muel, Rio Locsin bilang Lupe, Nonie Buencamino bilang Calixto, at Christopher de Leon bilang Franco. Kabilang din sa bagong cast members sina Smokey Mana-loto, Arlene Muhlach, Jojit Lorenzo, Alora Sasam, at Mylene Dizon. Mula nang umere noong Marso, gabi-gabi nang namayagpag ang “Ikaw Lamang” sa national TV ratings dahil sa nakakikilig na is-torya ng pagmamahalan nina Samuel at Isabelle. Mabibigyang katuparan na ba sa kasalukuyan ang pag-ibig na hinadlangan ng nakaraan? Sa ilalim ng direksyon nina Direk Malu Sevilla, Manny Palo, at Avel Sunpongco, ang “Ikaw Lamang” ang “master teleserye” ng ABS-CBN at isa sa mga obra ng Dreamscape Entertainment Television. Huwag palampasin ang kapana- panabik na pagdating ng mga bagong karakter sa “master teleseryeng” “Ikaw Lamang,” gabi-gabi, pagka- tapos ng “Hawak Kamay” sa ABS-CBN Primetime Bida. Para sa karagdagang impormasyon kaugnay ng “Ikaw Lamang,” bisitahin lamang ang official social media accounts ng programa sa Facebook.com/IkawLamang. Online, Twitter.com/IkawLamang_TV at Instagram.com/IkawLamang_TV.