Wednesday , July 24 2024

Kumusta Ka Ligaya (Ika-10 labas)

00 ligaya

KALABOSO SI BEHO ANG MANYAKIS NA AMO NI LIGAYA PERO HINDI NA RIN NIYA NAKITA ANG DALAGA

“Gago pala ang behong ‘yun, e… Umalis ka na lang d’yan nang walang paalam,” ang naibulalas ng binata sa galit.

“Ganu’n nga ang balak ko, ‘Don… Naghahanap lang ako nang magandang tiyempo,” sabi naman ng dalaga.

“Teka, baka kursunada ka ni Beho kaya gayon ang nagiging pagtrato sa ‘yo?” ang biglang naibukas ni Dondon kay Ligaya.

“G-ganu’n nga ang kutob ko, e… At saka sa usap-usapan ng mga kasamahan ko sa trabaho, e, marami na raw sa mga saleslady namin ang nabuntis ng amo kong lalaki,” pagkukwento ng dalaga sa binatang nobyo.

“Manyakis pala ang hinayupak na amo mo!” sabi ni Dondon na sinundan nang malulutong na pagmumura.

Labis na ikinabalisa ni Dondon ang ka-lagayan ni Ligaya sa pinaglilingkurang amo. Naging malaking tulong sa kapanatagan ng kalooban niya ang pagtawag at pa-kikipapalitan ng text sa dalaga

Pero isang hatinggabi ay nagising si Dondon sa walang-patid na pagtunog ng cellphone niya. Si Ligaya ang tumatawag sa kanya. Umiiyak na ito nang magkausap sila. Garalgal at nanginginig ang tinig nito sa kabilang dulo ng linya. Nagmamakaawa na sunduin at kunin niya sa tirahan ng among Tsino.

Biglang naputol ang pakikipag-usap ng binata sa kanyang nobya.

“H-hello, ‘Gaya… Hello!”

Paulit-ulit na umalingangaw sa utak ni Dondon ang tila pagpapasaklolo sa kanya ni Ligaya. Ikinabahala niya ang iyon. At hindi na siya nakatulog sa magdamag.

Sumisilip pa lamang ang liwanag sa pag-uumaga ay naroon na si Dondon sa lugar ng amo ni Ligaya. Tatlong palapag na gusaling pangkomersiyo iyon. Ang una at ikalawang palapag ay pawang tindahan ng sari-saring kalakal at opisina ng iba’t ibang negosyo.Nasa ikatlong antas ang bahay-re-sidensiyal na sadya niya. Doon naninira-han ang kanyang nobya at ang amo nitong may-ari ng isang department store sa Divisoria.

Nagulat pa si Dondon nang mabungaran niya sa ibaba ng tatlong palapag na gusali ang umpukan ng mga usyosero at us-yosera. May dalawang sasakyan ng pulisya roon.Natanaw niyang ineeskortan na ng tatlong pulis sa pagpanaog sa matarik na hagdanan ng establisimyentong iyon ang isang lalaking napoposasan ang mga kamay, patpatin ang katawan, singkit ang mga mata at ‘di kukulangin sa singkwenta ang edad. Nahulaan agad niyang ito ang “manyakis” na amo ni Ligaya. (Itutuloy)

ni Rey Atalia

About hataw tabloid

Check Also

Jennlyn Mercado Beautederm Rhea Tan

Jennylyn freelancer, walang offer sa ABS-CBN; Pinabilib si Rhea Tan sa pagiging simple

SHOWBIZ KONEKni Maricris Valdez Nicasio INAMIN ni Jennlyn Mercado na freelancer siya sa kasalukuyan at iginiit na …

SM 3 day Sale FEAT

Every Deal You Shouldn’t Miss Every Day, this SM Store 3 Day Sale

SM Store, your Everyday Store, is thrilled to announce that the biggest sale of the …

Collectors Con Year 2 Funkos The Block Atrium SM North EDSA

Collectors Assemble: Collectors Con Year 2 brings Exclusive Drops, Limited-editions and Supersized Funkos

Promising the ultimate collector’s adventure in the North, Collectors Con is back at The Block …

Vic Sotto Playtime

Bossing Vic nag-Playtime

SHOWBIZ KONEKni Maricris Valdez Nicasio ANG bongga naman ng isang gaming apps dahil nakuha nila ang …

From Heart to Hand, Celebrating with Purpose and a Mission

From Heart to Hand, Celebrating with Purpose and a Mission

In a heartfelt act of compassion and generosity, Ms. Anna Donita S. Tapay transformed her …

Leave a Reply

Your email address will not be published. Required fields are marked *