Sunday , July 21 2024

We should give PNoy a chance

00 parehas salgado
HINDI sa kinakampihan natin ang Pangulong Noynoy sa kanyang pamumuno dahil sa totoo lang ‘di naman corrupt si Pangulong Noynoy pero dapat naman talaga na managot ang mga mambabatas na nagwaldas sa kaban ng bayan partikular na ang PDAF Scam at DAP.

Pero bigyan natin ng pagkakataon si Pangulong Noynoy at inaayos naman talaga niya ang pondo ng bayan.

Kung sakali man na may pagkakamali diyan dapat paimbestigahan ni PNoy si Sec. Abad at kung napatunayan na mayroong winaldas si Abad ay dapat lang siyang managot sa bayan.

Sa totoo lang matagumpay naman talaga ang anti-corruption campaign ni PNoy pero ‘yung mga alipores niya na nagpapatupad ng reporma ay hindi pa naman nila inaayos dahil pag umasta sila ay parang mga hari.

Huwag ganoon kasi nasisira si Pangulong Noynoy.

Kagaya na lang nitong si Commissioner Sevilla na walang puso na hindi nakikinig kahit may kanser ang mga empleyado niya hindi mahalaga sa kanya.

Ito ang tandaan mo Sevilla, ikaw ay hindi habang buhay sa iyong posisyon at kailangan gamitin mo ang pinag-aralan mo sa mabuting pamamaraan. Kailangan may puso ka dahil lahat tayo ay may katapusan kaya ako ay naniniwala na si Pangulong Noynoy ay maganda ang kanyang ginagawa.

Kaya dapat lang Pangulo na sibakin ninyo ‘yung mga palaging nasa pahayagan at napapabalitang corrupt na gaya ni PAGCOR Chairman Bong Naguiat na dati ay nakikitira lamang sa kanyang biyenan noon pero ngayon ay napakarami na niyang ari-arian doon pa sa Pangasinan sa bayan ng San Fabian at Urdaneta at may mga condominium pa.

Kaya kung totoo ang mga report na ito ay maghanda-handa na siya na kumuha ng magaling na abogado pagkatapos ng termino ng mahal na Pangulo. Pero ako 100 percent ang paniniwala ko kay PNoy sa kanyang panunungkulan.

Dapat na rin sibakin niya si agriculture Secretary Proseso Alcala na palaging nababanggit sa smuggling.

Kaya itong SONA ni Pangulong Noynoy ay magsisilbing wake-up call sa mga kaalyado niya na nagseserbisyo sa bayan para magbago.

Naiyak ako at tumindig ang aking balahibo noong binanggit niya ang kanyang mga magulang na nagserbisyo sa bayan partikular na si Sen. Ninoy na ang Filipino is worth dying for. Nalala ko na naman ang ginawang tulong ni Sen. Ninoy sa aking mahal na ama na naaksidente sa planta ng Central Azucarera de Tarlac. Siya mismo ang tumulong sa aking tatay upang magamot agad. Kaya po ako ipinanganak noong 1959 sa Hacienda Luisita. Ang aking tatay ay tubong Tarlac, Tarlac at ang kanyang nanay ay Dizon. Kaya tatanawin kong utang na loob sa pamilya Aquino ang pangyayaring ‘yun.

Kaya sana naman bigyan natin ng chance ang ating Pangulong Noynoy na matapos ang kanyang termino at sana naman matigil ‘yung mga destabilization plot na naririnig natin.

Pangulo bilang kapamilya mo sa Hacienda Luisita. I salute you at nakasuporta ang buong pamilya ko at kamag-anakan ko sa ‘yo.

Mabuhay ka at sana ‘yung mga gabanite mo na hindi naman nakatutulong sa ‘yo ay kailangan sibakin mo na.

Wala ba kayong napapansin na dapat talaga magkaisa sa bansang ito dahil unang-una tayo ay manlalakbay lamang sa mundong ito at lahat-lahat ay palamuti lamang. Huwag tayong mang-abuso sa kapangyarihan at huwag tayong manlait dahil tayo ay lupa lamang.

Kaya may panahon pa para magnilay-nilay at magbago tayo upang sa ganoon ay maging maganda ang patutunguhan ng ating buhay sa bansa at palakasin natin ang ating spiritual life and make Jesus the center of our life.

God bless us all!

Jimmy Salgado

About Jimmy Salgado

Check Also

SM 3 day Sale FEAT

Every Deal You Shouldn’t Miss Every Day, this SM Store 3 Day Sale

SM Store, your Everyday Store, is thrilled to announce that the biggest sale of the …

Collectors Con Year 2 Funkos The Block Atrium SM North EDSA

Collectors Assemble: Collectors Con Year 2 brings Exclusive Drops, Limited-editions and Supersized Funkos

Promising the ultimate collector’s adventure in the North, Collectors Con is back at The Block …

CPP PNP NPA

Miyembro ng CPP-NPA boluntaryong sumuko sa Bulacan police

ISANG miyembro ng Communist Party of the Philippines-New People’s Army (CPP-NPA) ang boluntaryong sumuko sa …

SSS Cellphone

SSS nagbabala sa miyembro at publiko sa mga pekeng alerto sa text

BINALAAN ng Social Security System (SSS) ang mga miyembro nito at ang publiko na maging …

Arrest Posas Handcuff

  Kawatan sa coffee shop, timbog

DAHIL sa mabilis na pagresponde ng mga awtoridad ay kaagad naaresto ang isang lalaki na …

Leave a Reply

Your email address will not be published. Required fields are marked *