Monday , July 15 2024

Kumusta Ka Ligaya (Ika-9 labas)

PUMALAOT NA SI DONDON SA MAS MAPANGANIB NA HANAPBUHAY PARA MAGKALAMAN ANG TIYAN

Inakbayan siya ni Helicopter sa kanilang paglalakad. Pumasok sila sa isang maliit na restoran na malapit sa terminal ng mga mini-bus. Alas-diyes pasado pa lamang ng umaga ay pananghalian na ang kinain nila ng kanyang kakosa.

Nagkape sina Dondon at Helicopermatapos kumain. Sa pagitan ng paghigop-higop ng kape ay saka pa lang binuksan ng kakosa niya ang tungkol sa “diskarte” nito sa buhay-laya.

“G-gravel and sand… B-bato ang linya mo?” ang bulalas ni Dondon na muntik nang napalakas.

“Yes or no lang ang sagot kung payag ka o hindi payag na maging ka-partner ko,” ang matigas na paninindigan ni Helicopter.

Matagal-tagal na nahimas-himas ni Dondon ang sariling noo. Pero sa pagtango niya sa kakosa ay matatag na “oo” ang kanyang naging pasiya.

“Very good!” sabi ni Helicopter na tuwang-tuwa.

At mahigpit siyang kinamayan ng siga-sigang tulak sa erya ng Sta. Cruz.

Pinapel ni Dondon ang pagiging runner ni Bong Helicopter sa pagbebenta ng pakonti-konting gramo ng droga. Sa pagde-deli-ver ng ipinagbabawal na gamot sa mga adik-adik ay noon lamang niya naranasan na magkalaman nang malaki-laking halaga ang kanyang bulsa. Kaya nang magtagal-tagal ay nangupahan na siya sa isang entreswelo. Nakabili ng ilang kasangkapang-bahay at personal na gamit. At nakakakain ng mga pagkain na gusto niyang ka-inin.

Pero kakabit naman niyon ay buhay na tila-walang katahimikan at kapahingahan. Pwede kasi siyang madakma ng mga awtoridad at muling mabilanggo dahil sa pag-iingat ng ipinagbabawal na gamot. Bukod dito, may mga pagkakataon din na nagkakaproblema siya sa mga balasubas at “arsonist” na matapos makakuha ng droga ay nagtatago na sa kanya.

“Kosa, sa business natin, e, ‘di ubra ang consignment. Dapat kaliwaan… At kinakailangan mong pumusturang astig para pangilagan ka,” ang leksiyon na itinuro sa kanya ni Helicopter.

Laking lansangan, sa pakikipag-partner ni Dondon kay Helicoper ay lalo siyang nag-angkin ng tapang, naging tuso at tumigas na parang bato ang puso.

Pero laging laman ng isipan niya si Ligaya na hindi naman nakalilimot mag-text sa kanya sa gabi. Paulit-ulit nitong nasabi sa mensahe ang sanhi ng ‘di nila pagkikita sa mga araw ng Linggo. (Itutuloy)

ni Rey Atalia

About hataw tabloid

Check Also

SM Zamboanga FEAT

Becoming a ‘second home’ amidst adversity
Renewing hope: SM School building’s impact in Zamboanga

The School Building Program of SM Foundation enables the Zamboanga Central School-SPED Center to accommodate …

ICTSI Momentum Where is Matters Feat

ICTSI – Momentum Where it Matters

Building from one-country operation at the Port of Manila in the Philippines, ICTSI has pressed …

PPA FEAT

#Limaposalimampu:
PPA Launches Five New Port Projects on 50th Anniversary

THE Philippine Ports Authority (PPA), as the premiere maritime agency, continues to steer progress through …

Krystall Herbal Oil

Nagsugat na warts sa ulo natuyo sa Krystall Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,                Ako po …

ICTSI Argentina Feat

Argentina’s Most Celebrated Culinary Traditions Deserve Argentina’s Most Modern Container Terminal

TecPlata SA, Argentina’s most modern container terminal, presents multiple advantages for exporters of the country’s …

Leave a Reply

Your email address will not be published. Required fields are marked *