ISANG dating barangay chairman ang pinasok ng dalawang armadong lalaki sa loob ng kanyang bahay saka binaril sa harap ng kanyang mag-ina sa Escalante, Escalante City.
Kinilala ang biktimang si Rommy Romo, dating kapitan ng Brgy. Dianay, Escalante City.
Pinasok ng dalawang ‘di nakilalang armadong lalaki ang bahay ng biktima habang kumakain kasama ang kanyang misis at 16-anyos anak na babae.
Agad inasinta ng baril ng mga suspek ang biktima na bumagsak sa harap ng kanyang mag-ina.
Nasugatan ang 16-anyos na anak ng biktima na mabilis na isinugod sa Alfredo Marañon District Hospital sa Sagay City dahil sa isang tama ng punglo.
Tumakas ang mga suspek sakay ng motorsiklo. (Beth Julian)
