Thursday , July 25 2024

Kumusta Ka Ligaya (Ika-8 labas)

INISIP NI DONDON NA UMIIWAS SA KANYA SI LIGAYA PERO NABUHAYAN NG LOOB DAHIL SA DATING KOSA

 

“Basta’t maayos ang sweldo at marangal na trabaho, e, dapat na natin pagtiisan, di ba?” ang sabi ni Ligaya na parang payo na rin sa kanya.

“Kaso nga,e, wala akong makita…” aniya sa pagtutungo ng ulo.

Pinisil siya sa kamay ng dalaga.

“Sige lang, laban…” anitong ipinagdiinan ang katagang “laban.”

Umabot hanggang sa kaibuturan ng puso niya ang dampi ng mainit-init na palad ng dalaga na nanghawak sa kanyang kamay.

“S-salamat…” ang tangi ni-yang nasambit.

Nadoble ang higpit ng pagpisil ni Ligaya sa kamay niya.

“Mas maluwag ang oras ko sa gabi… text-text lang tayo, ha?” paalala nito sa kanya.

Nang sumunod na Linggo ay hindi nakipagkita kay Dondon si Ligaya. Biglaan daw kasi itong napag-utusan ng amo. “Sorry” ang karugtong ng mensaheng iyon, pero hindi na nito idinetalye ang dahilan sa pagbibiyahe sa isang malayo-la-yong lugar sa labas ng Maynila nang araw na ‘yun.

Ganoon din ang nangyari at dahilan nang ‘di pakikipagkita sa binata ng dalaga nang sumunod na Linggo.

“Kahit pala Linggo ay hindi ko sarili ang aking oras. Hindi naman ako makatanggi… Sorry, ha?” ang ikinatuwiran sa kanya ni Ligaya.

Sumaisip agad ni Dondon na baka gu-magawa na lamang ng alibi ang dalaga. Talaga yatang masyadong nagiging sensetibo at maramdamin ang isang taong nasa abang kalagayan – lalo’t pagdating sa minamahal.

Noon siya pumuwesto sa kahabaan ng Rizal Avenue. Dating gawi, kinotongan niya sa pagtatrapik-trapikan ang mga jeepney driver. Hi-nihingan ng lima-limang piso ang kada driver ng FX na namimik-ap doon ng pasahero.

At doon siya natagpuan ni Bong Helicopter na nakalaya na pala sa piitan.

“Ikaw agad ang hinanap ko, Kosa,” ngiti nito sa pagtapik sa balikat ni Dondon.

“Talaga?Bakit naman?” naitanong niya.

“Ibahin mo ako, Kosa…Nangako ako sa ‘yo noon na isasama kita sa diskarte ko, di ba? Ngayon na ‘yun, Kosa,” ang sagot ng naging mayor niya sa nasamahan noong brigada sa kulungan.

“A-ano’ng diskarte natin, Kosa?” usisa pa ni Dondon.

(Itutuloy)

ni Rey Atalia

About hataw tabloid

Check Also

Marian Rivera Kath Melendez Nekocee

Kath Melendez ng Nekocee na-starstruck kay Marian

SHOWBIZ KONEKni Maricris Valdez Nicasio MALAKING challenge para sa production ng Cinemalaya movie ni Marian Rivera, ang Balota kung paano siya …

Jennlyn Mercado Beautederm Rhea Tan 2

Jennylyn sobrang nagpapasalamat  maging parte ng Beautederm family

MATABILni John Fontanilla SA wakas ay nagsalita na si Jennylyn Mercado kaugnay sa bali-balitang lilipat ito sa ABS …

Jennlyn Mercado Beautederm Rhea Tan

Jennylyn nawindang sa diamond bracelet at Hermes bag na regalo ni Ms Rhea Tan

MA at PAni Rommel Placente NOONG nakaraang Huwebes, opisyal na inilunsad si Jennylyn Mercado bilang endorser ng …

Krystall Herbal, Rider

Krystall Herbal Oil proteksiyon ng rider laban sa pawis habang umuulan

Back to BasicNATURE’S HEALINGni Fely Guy Ong Dear Sis Fely Guy Ong, Ako po si …

Jennlyn Mercado Beautederm Rhea Tan

Jennylyn freelancer, walang offer sa ABS-CBN; Pinabilib si Rhea Tan sa pagiging simple

SHOWBIZ KONEKni Maricris Valdez Nicasio INAMIN ni Jennlyn Mercado na freelancer siya sa kasalukuyan at iginiit na …

Leave a Reply

Your email address will not be published. Required fields are marked *