Wednesday , July 17 2024

Kumusta Ka Ligaya (Ika-2 labas)

MALUPIT PA SA BAGYONG GLENDA ANG TUMAMA KINA DONDON AT LIGAYA NANG IPAHATAK NI TSERMAN ANG JEEPNEY

“Sino ba ang may-ari nito, ha?” sabi ng opisyal ng barangay sa pag-aalsa-boses.

“A-ako po, Tserman…” ang maagap na tugon ng driver-operator ng pampasahe-rong dyip.

“Sagabal po ang sasakyan n’yo sa daan… Pakialis po agad ‘yan, kundi’y ipa-re-wrecker ko ‘yan,” sabi pa ng barangay chairman sa matigas na tinig.

“O-opo, Tserman… Ngayon din po…”

Ipinahatak ng may-ari ang laspag at sira-sira nang sasakyan. Kung saan man ‘yun dinala ay walang kaide-ideya sina Dondon at Ligaya. Basta’t ang alam nila ay bigla na lang silang nawalan ng pahingahan at tulugan sa gabi.

Para kina Dondon at Ligaya ay tila isang malupit na bagyo ang dumaan noon sa makipot na Kalye Pinagpala. Kisap-mata lang ay nawalan agad silang dalawa ng kanlungan. Katwiran ng punong-barangay, kapag nagkaroon ng sunog doon ay mala-king istorbo ang sasakyang iyon sa trak ng bombero.

Naging bahagi na ng kanilang buhay ang sirang pampasaherong dyip na matagal natengga sa gilid ng kalsada. Doon nila naibukas sa isa’t isa ang nakaraang buhay ng kamusmusan.

Ganito ang naikuwento ni Dondon kay Ligaya:

“Para akong ipot na itinapon sa basurahan ng babaing nagsilang sa akin. Inampon ako ng mag-asawang walang anak. Kaya lang, noong magpipitong taon na ako ay natutong mambabae ang nagisnan kong ama, si Tatay Elmo. Bumagsak ang maliit niyang negosyo at naging magulo ang samahan nila ng nakilala kong nanay, si Na-nay Nora… hanggang sa tuluyang magkahiwalay silang dalawa…

“Nang mga panahon namang ‘yun ay ‘di na makapaglabada si Nanay Nora dahil sa pagkakasakit. At namatay si Nanay Nora… na ayon sa sabi-sabi noon ng aming mga kapitbahay ay dahil daw sa sobra-sobrang gamot sa baga na nilaklak niya. Walong taon na ako noon, grade three… Nahinto ako sa pag-aaral at napasama sa grupo ng mga kapwa batang namamalimos sa kalye.”

Kwento naman ni Ligaya kay Dondon:

“Isang taon pa lang namamatay ang tatay ko nang muling mag-asawa si Inay. Noon pa mang una ay madalas ko nang nahuhuling nakasilip sa aking silid ang lalaking kinakasama niya. Kaya pala, e, mayroong pagnanasa sa akin ang manyakis na step father ko. . .

(Itutuloy)

ni Rey Atalia

About hataw tabloid

Check Also

Bini SB19 Flow G

SB19, Bini pinadagundong ang Araneta, Puregold’s Thanksgiving Concert star studded

SHOWBIZ KONEKni Maricris Valdez Nicasio NAKABIBINGI at parang nasira ang aming ear drum sa sobrang …

Krystall Herbal Oil

Retiradong empleyado, laging may stocks na Krystall Herbal Oil para sa kalusugan

Back to BasicNATURE’S HEALINGni Fely Guy Ong Dear Sis Fely Guy Ong,          A blessed …

Eng Bee Tin

Unang “National Hopia Day” celebration sa 19 Hulyo pangungunahan ng Eng Bee Tin

GAGANAPIN ang kauna-unahang selebrasyon ng “National Hopia Day” sa Filipinas sa 19 Hulyo 2024, na …

SM Zamboanga FEAT

Becoming a ‘second home’ amidst adversity
Renewing hope: SM School building’s impact in Zamboanga

The School Building Program of SM Foundation enables the Zamboanga Central School-SPED Center to accommodate …

PPA FEAT

#Limaposalimampu:
PPA Launches Five New Port Projects on 50th Anniversary

THE Philippine Ports Authority (PPA), as the premiere maritime agency, continues to steer progress through …

Leave a Reply

Your email address will not be published. Required fields are marked *