Friday , March 29 2024

‘Tagapagmana’ ni Sir Paul McCartney

PAGE 10 okey na

SUMIKAT din naman ang mga anak ni Sir Paul McCartney subalit napapanahon nang tumanyag ang tunay na tagapagmana ng batikang multi-instrumentalist ng The Beatles matapos mamataan ang panganay na apo na si Arthur Alistair Donald habang nagpa-party sa popular na Chiltern Firehouse.

Natiyempohan ang 15-anyos na estud-yante, anak ng retra-tistang si Mary McCartney, sa hottest bar and restaurant sa London nitong nakaraang linggo.

Kasama ang kanyang mga kaibigan at barkada, ismarte ang ‘dating’ ng apo ni Paul sa suot niyang Olive shirt at Chinos pagdating sa Marylebone hotspot.

Sa kabila ng pagiging low-profile sa nakalipas, may indikasyon ang pagpunta ni Arthur sa Chiltern na nagbabadya ng kanyang paghahanda sa pagsulong sa katanyagan tulad ng kanyang sikat na lolo.

Hindi maipagkakaila ang pagkakahawig ni Arthur sa dugong nanalaytay sa kanyang mga ugat na mula sa pamosong pamilya na kanyang pinagmulan. Tunay na look-a-like siya ng kanyang lolong sikat na rock legend.

Nagdiwang ng ika-15 kaarawan noong nakaraang Abril, si Arthur ay panganay na anak ni Mary, 44, at unang asawang si Alistair Donald. Isinilang siya noong 1999 bilang unang apo ni Sir Paul, na siyang nagtakda sa sikat na Beatles band member na maging pangalawa sa kanyang grupo na maging lolo, kasunod kay Ringo Star.

Nakipisan kay Arthur ang kanyang kapatid na si Elliot noong Agosto 2002 at magkasabay silang lumaki sa kanilang family home sa North London. Dangan nga lang ay naghiwalay ang kanilang magulang na sina Mary at Alistair noong 2005 bago tuluyang nagdiborsyo.

Noong 2008, isinilang ni Mary si Sam para madagdagan ang kapatid ni Arthur at kasunod nito’y nagpakasal sa kanyang director boyfriend na si Simon Aboud sa Marylebone Register Office noong Hunyo ng 2010.

Nakompleto ang kanilang pamilya sa pagsilang ng ikaapat na supling ni Mary na si Sid noong Setyembre 2011.

Bukod sa apat na anak ni Mary, mayroon din mga apo si Sir Paul sa kanyang anak na fashion designer na si Stella—sina Miller, Beckett, Bailey at Reiley.

Kinalap ni Tracy Cabrera

About hataw tabloid

Check Also

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Krystall Herbal Oil

Peleges sa noo nabanat ng Krystal Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,          Magandang araw …

Moira dela Torre Jethro Cerezo

Moira marami ang ginulat: sexy at  parang tin-edyer

SHOWBIZ KONEKni Maricris Valdez Nicasio MARAMI ang nanibago at ginulat ni Moira dela Torre nang ipakikala ito …

KWF PNU UP DLSU

Lagdaan ng Kasunduan ng KWF, PNU-LSC, UP-Lingg, at DLSU-Filipino para sa idaraos na Pandaigdigang Kumperensiya sa Nanganganib na Wika

Idinaos ang lagdaan ng Memorandum ng Kasunduan ng Komisyon sa Wikang Filipino (KWF), Language Study …

80 NorMin Regional RDI Committee members meets for 2024 plans, initiative

80 NorMin Regional RDI Committee members meets for 2024 plans, initiative

Eighty committee members of the Regional Research, Development, and Innovation Committee (RRDIC) of Northern Mindanao …

Leave a Reply

Your email address will not be published. Required fields are marked *