Saturday , January 29 2022

Ang Lihim ng Revillaroja (Ika-15 labas)

HINDI NA NATIKMAN NI JOMAR ANG LANGIT MULA KAY MARY JOYCE DAHIL IYON NA PALA ANG KANYANG WAKAS

“Halika rito…” ang sabi ng mahinang tinig na tumawag sa pangalan ng binatang salesman. “Pasok ka!”

Nang itulak ni Jomar ang pinto ng silid ay ganap na nalalantad ang kagandahang nag-aabang sa kanyang pagdating. Manipis ang suot na negligee ni Mary Joyce. Sa liwanag ng bombilyang ilaw ay naging de-talyado sa paningin niya ang maseselang bahagi nito. At nang lapitan niya ay pasagpang nang nanghalik sa kanyang mga labi. Ay, preskong-presko ang hininga ng bibig na sumakmal sa bibig niya.

“Magsi-shower muna ako, ha?” ngiti kay Jomar ni Mary Joyce nang mabaklas ang magkalapat nilang mga labi.

“Sige…” tango ng binata sa dalaga. “Bilisan mo lang, ha?”

Tinanggal ni Jomar ang suot na medyas at sapatos. Nag-alis na rin siya ng mga kasuotan. Brief lang ang itinira niya sa katawan. Pagkaraa’y patihaya siyang nahiga sa malambot na kama. Kinumutan niya ang sarili mula baywang hanggang talampakan.

Pangiti-ngiti siyang naghintay kay Mary Joyce. Dinig niya sa kinahihigaang kama ang lagaslas ng tubig sa banyo na ibinubuga ng dutsa. Ipina-hinga niya ang mga mata. Noon nag-lumikot ang kanyang imahinasyon. Sa kanyang isipan ay ginagawa na niya ang mga bagay na gagawin pa lamang sa pakikipagniig sa dalaga.

Hindi namalayan ni Jomar ang paglapit ni Mary Joyce. Naroroon na agad ito sa gilid ng kama, nandidilat ang mga mata sa pag-ngiti-ngiti. At nakaamba nang ipangtarak sa katawan niya ang hawak nitong nangingislap na patalim. Tsak, tsak, tsak, tsak, tsak, tsak,tsak!

Napadilat na lamang siya sa paglalagos ng patalim na pitong ulit na ipinantarak sa kanyang katawan. Nalagot ang kanyang hi-ninga nang ‘di na niya malalaman kailanpaman kung ano ang dahilan.

Bunga ng pangyayaring iyon ay napabilis ang pag-uwi sa bansa ng ina ni Mary Joyce na nanggaling sa Amerika.

“Hindi na natin maitatago pa ang lihim ng Revillaroja,” ang luhaang nasambit ng ina ni Mary Joyce sa asawang si Gob PJ Revillaroja. “Dalawang buhay na ang kinitil ng ating anak.”

Isa sa kada angkan ng mga Revillaroja ay may lumalabas na sira-ulo, gaya ni Mary Joyce na naapektohan ang pag-iisip sa tuwing sa-sapit ang ka-bilugan ng buwan. Gaya noong patayin din nito sa saksak ng kitchen knife ang nakatatandang kapatid na si Mary Jean.

“K-kawawa naman ang anak natin… T-tuluyan na yata siyang nabaliw…” pagka-kagat-labi ni Gob PJ. “Kinakailangan na ta-laga nating dalhin siya sa mental hospital.”

(Wakas)

ni Rey Atalia

About hataw tabloid

Check Also

Krystall Herbal Oil, Krystall Nature Herbs

Sipon at ubo tanggal sa Krystall herbal oil suob at mainit na Krystall nature herbs

Dear Sis Fely Guy Ong, Ako po si Rencel Eustaquio, 38 years old, taga-Pakil, Laguna. …

Krystall Herbal Oil

Lagnat, ubo, at sipon tatlong araw lang sa FGO Krystall herbal products

Back to BasicNATURE’S HEALINGni Fely Guy Ong Dear Sister Fely Guy Ong, Ako po si …

Krystall Herbal Oil, mosquito bite, Kagat ng lamok

Insect bites at peklat ‘walang sinabi’sa Krystall Herbal oil

Back to BasicNATURE’S HEALINGni Fely Guy Ong Dear Sis Fely Guy Ong,             Ako po …

Loiegie Dano Tejada

CEO & president ng Ms L’s Beauty and Wellness artistahin

MATABILni John Fontanilla ARTISTAHIN ang CEO & President ng napakatagumpay na negosyo na Ms L’s Beauty …

Alma Concepcion Rhea Tan Beautederm

Alma Concepcion proud user, seller, at ambassador ng Beautederm

ALAM MO NA!ni Nonie Nicasio IPINAHAYAG ni Alma Concepcion na proud siya sa mga produkto …

Leave a Reply