Wednesday , July 24 2024

Trillanes ipinahihinto K to 12 program

PANSAMANTALANG ipinahihinto ni Senador Antonio “Sonny” F. Trillanes IV ang naka-ambang pagpapatupad ng K to 12 Program habang hindi pa naisasaayos ang kasalukuyang mga problema sa sistema ng edukasyon sa bansa, kasama na ang mga inaasahang problemang haharapin nito kapag ipinatupad sa 2016

“Mas makabubuti para sa ating bansa kung hindi muna ipatutupad ang K to 12 Program hangga’t hindi pa nasosolusyonan ang mga problema sa sistema ng ating edukasyon tulad ng kakulangan sa mga silid-aralan at kagamitan ng mga estudyante, at ang kakulangan sa mga guro at ang kanilang mababang sahod,” paliwanag ni Trillanes.

Dagdag rito, ang kawalang plano ng ating pamahalaan sa inaasahang pagkakatanggal sa trabaho ng aabot sa 85,000 guro at empleyado sa mga kolehiyo kapag nagsimula na ang programa sa 2016, ani Trillanes matapos mag-ikot sa iba’t ibang panig ng bansa upang kumunsulta ukol sa K to 12.

“Aayos lamang ang kalidad ng edukasyon sa bansa kung masosolusyonan ang mga nasabing problema. Kung magagawa natin ito, mas magiging magaling ang ating mga estudyante,” paliwanag ni Trillanes, taga-Pangulo ng Senate Committee on Civil Service and Government Reorganization.

Pinuna rin ni Trillanes ang pahayag ng gobyerno na nasolusyonan na ang problema ng kakulangan sa classrooms.

“Hindi ito totoo. Maraming paaralan pa rin ang patuloy na gumagamit ng mga make-shift na classrooms, o di kaya’y nagpapalitan sa paggamit ng mga silid-aralan kahit mas maiksi pa ang haba ng mga klase sa tamang oras na aprubado ng Department of Education,” dagdag ng senador.

“Asahan nating lalala pa kapag pumasok na ang dalawang karagdagang batch ng mga estudyante sa ilalim ng K to 12. Sa mga kagamitan naman, patuloy ang paghahati ng mga estudyante na umaabot sa ratio na apat na estudyante sa bawat isang modyul. Ang nasabing numero ay siguradong lalaki pa kapag napatupad na ang programa sa 2016,” diin ni Trillanes.

Ikinalulungkot din ni Trillanes ang patuloy na pagkakaroon ng volunteer teachers na kumikita lamang ng P3,000 kada buwan. Kinwestyon niya ang kakulangan sa training ng mga guro na kadalasan ay sumasagot sa gastos ng sarili nilang training bilang paghahanda sa pagpapatupad ng K to 12.

Matatandaang dati nang tinututulan ni Trillanes ang pagsasabatas ng K to 12 Program dahil sa mga nasabing problema na maaaring sumira sa magandang intensyon ng programa. (CYNTHIA MARTIN/NIÑO ACLAN)

About hataw tabloid

Check Also

Sonny Angara DepEd

Panawagan kay Angara
SUWELDO NG MGA GURO ITAAS, ‘KORUPSIYON’ SA DepEd DAPAT TUGUNAN — TINIO

NANAWAGAN si dating ACT Teachers Rep. Antonio “Tonchi” Luansing Tinio kay bagong-upong Department of Education …

FEHI, DHSUD sanib-puwersa para sa programang pabahay

FEHI, DHSUD sanib-puwersa para sa programang pabahay

NAGSANIB-PUWERSA ang kompanyang Far East Holdings Inc. (FEHI) at ang Department of Human Settlement and …

First Lady Liza Araneta-Marcos, namahagi ng mobile clinics

First Lady Liza Araneta-Marcos, namahagi ng mobile clinics

NAMAHAGI si First Lady Louise “Liza” Marcos, sa pakikipagtulungan ng Department of Health (DOH) ng …

Isko Moreno

Isko Moreno llamado sa muling pagtakbo sa Maynila

HATAWANni Ed de Leon ANO tatakbo na naman si Isko Moreno bilang mayor ng Maynila sa 2025? …

prison

300 PDLs mula Bilibid inilipat sa Iwahig Prison sa Palawan

INILIPAT ang may 300 persons deprived of liberty (PDLs) mula sa New Bilibid Prison (NBP) …

Leave a Reply

Your email address will not be published. Required fields are marked *