Tuesday , September 27 2022

Daniel at Kathryn, ang galing-galing sa She’s Dating The Gangster (Sarah, ‘di na solo ang magpakilig at magpa-cute na papel)

00 fact sheet reggeeSOBRANG natuwa, kinilig, at naiyak kami sa pelikulang She’s Dating The Gangster Ateng Maricris, kaya kailan mo ipanonood ang mga bagets mo na nakatitiyak kaming magugustuhan nila dahil ang galing-galing nina Daniel Padilla at Kathryn Bernardo kasama na rin ang ibang cast na naalala namin ang kapanahunan ng pelikulang Bagets ni Aga Muhlach.

Isa pang gustong-gusto naming eksena ay ang pagtsi-cheer ni Kath sa eksenang naglalaro ng basketball si DJ ng, ”go, go, go sexy, go sexy, my sexy love” dahil halos lahat ng nakasabayan naming nanood ay ito na ang sinasabi habang papalabas kami ng sinehan. At na-LSS kami talaga hanggang pag-uwi at habang tinitipa namin ang kolum na ito, ha, ha, ha.

In fairness, ang galing ni Kathryn magpa-kilig, magpa-cute, at mag-drama kaya hindi na solo niSarah Geronimo ang mga ganitong klaseng papel sa mga pelikulang ginagawa niya.

Kaya kailangan ng mag-level up ni Sarah sa mga ganitong papel niya sa pelikula buti na lang at iba naman ang ginagawa niya ngayon sa telebisyon dahil isa siya sa hurado ng The Voice Kids at sa pagbabalik ng The Voice na malaking tulong sa kanya dahil naging ka-level niyang bigla sina Bamboo at Lea Salonga.

072014 kathniel
Sa mga ganitong klaseng papel din naman nagsimula si Toni Gonzaga na nakilala bilang komedyana sa mga naunang pelikula niya kasama si Sam Milby at nag-level up na rin dahil mature role na ang ginampanan niya sa Starting Over Again na idinirehe naman ni Olive Lamasan.

Naniwala kami sa sinabi ng direktor ng pelikula na si Ms Cathy Garcia-Molina na nag-improve talaga ang acting nina Daniel at Kathryn na nakitaan na niya sa Got To Believe pero hindi niya ini-expect na marami pa pala siyang mahuhugot pa.

Tanda naman namin na magaling talaga sa drama si Kathryn at si Daniel naman ay may pagmamanahan dahil parehong artista ang magulang na sina Rommel Padilla at Karla Estrada at mga tiyuhing tulad nina Robin Padilla at ang dating Rustom Padilla na si BB Gandanghari.

May lalim sa pag-arte si Daniel kaya para sa amin ay isa na siyang aktor dahil hindi lang pagpapa-cute, pagpapa-kilig, at pagiging maangas ang alam niyang gawin dahil puwede rin pala siyang magpaka-seryoso.

At marunong naman palang sumayaw ang batang aktor dahil talagang napasayaw siya ni direk Cathy nang mag-disco sila ni Kathryn.

Ang alam namin ay ayaw na ayaw ni Daniel na sumasayaw siya dahil nga katwiran niya, walang Padilla na sumasayaw, oo nga naman, ayaw nina Robin at Rommel.

May tatak talaga si direk Cathy sa mga pelikula niya na kailangan magsuot ng wig tulad ng ginawa kina DJ at Kath na may isang eksena pa na naging kamukha ng direktor ang batang aktres nang magpa-igsi ng buhok.

Nakabibitin ang eksena nina Richard Gomez at Dawn Zulueta dahil ilang beses lang sila ipinakita na talagang may kilig pa rin kahit may kanya-kanya na silang pamilya.

At sa mga manonood ng pelikula ay magdala kayo ng isang box ng tissue dahil tiyak na kukulangin ang panyo ninyo sa kaiiyak.

May cameo role si JM de Guzman at in fairness, kamuntikan namin siyang hindi nakilala, ang guwapo-guwapo niya ngayon, fresh na fresh, sana mabigyan ulit siya ng project ng ABS-CBN atStar Cinema.

As of Thursday ay almost P30-M daw ang kinita ng SDTG say mismo ng taga-Star Cinema.

Naitanong din namin na ang unang kuwento sa amin ay P20-M ang kinita sa unang araw, samantalang P15-M lang pala, ”noong nagtanong ka kasi (Huwebes) ng 7:00 p.m., lampas P10-M na, normallu, dodoble iyon ‘pag last full show na kaya P20-M.

“Pero siguro dahil walang Robinsons at takot pa ang mga tao mag-last full show kaya hindi umabot, pero normall halos doble kaya sabi ko, halos P20-M.”

About Reggee Bonoan

Check Also

Tanya emosyonal — Bumabawi si Vhong sa akin

I-FLEXni Jun Nardo MALIGAYA nang nagsasama ang aktor na si Vhong Navarro at asawang si Tanya Bautista-Navarro nang muling …

Blind Item, excited man

Male starlet marami ang natatanso kahit buking ang pagiging beki

ni Ed de Leon “BAKLA naman po siya talaga, pero marami ngang natanso dahil pogi …

Vhong Navarro Deniece Cornejo

Vhong aapela hanggang SC; Deniece magpapakatatag

HATAWANni Ed de Leon HANGGANG Korte Suprema ay nakahandang umapela ang legal team ni Vhong Navarro kung …

Ryza Cenon

Ryza tinalakan ang Maynilad (Water bill umabot ngP120k) 

MATABILni John Fontanilla SUPER shock si Ryza Cenon nang bumulaga sa kanya ang bill niya sa tubig …

Vhong Navarro Atty Alma Mallonga

Abogado ni Vhong nanindigan: ‘Di totoo ang bintang na rape

MA at PAni Rommel Placente SA panayam pa rin ng PEP.ph sa legal counsel ni Vhong Navarro na si Atty. …

Leave a Reply