No nationwide gov’t work suspension sa SONA
INIHAYAG ng Malacañang kahapon, hindi magdedeklara ang gobyerno ng nationwide suspension ng trabaho sa pamahalaan sa Hulyo 28, sa gaganaping State of the Nation Address ni Pangulong Benigno Aquino III.
Ngunit sinabi ni Deputy Presidential Spokesperson Abigail Valte, posibleng ang local government ng Quezon City ay magdeklara ng suspensiyon dahil ang venue ng SONA ay sa nasabing lungsod.
“Sa national government, mukhang wala tayong balak mag-declare. Normally hindi tayo nagde-declare,” ayon kay Valte.
