TIGOK ang isang street sweeper ng Manila Metropolitan Development Authority (MMDA) matapos masagasaan ng trailer truck habang naglalakad sa tulay ng Delpan, sa Tondo, Maynila.
Napipi ang katawan ng biktimang si Alberto Rondilla, ng 258 Sta. Barbara St., Tondo, dahil sa pagdagan ng gulong ng trak na nakasagasa sa kanya habang sumuko agad ang driver na si Gerry Lura, 55, ng Caloocan City.
Sa imbestigasyon ng Manila Police District-Traffic Enforcement Unit (MPD-TEU), dakong 10:00 a.m. nang maganap ang insidente sa tulay ng Delpan sa kanto ng San Patricio St., Tondo.
Nabatid na hindi napansin ng biktima na may paparating na trak habang tumatawid.
(LEONARD BASILLIO/ may kasamang ulat ni John Bryan Ulanday)
