Wednesday , July 17 2024

Pinay, 2 anak, 295 iba pa patay sa Ukraine plane attack (Palasyo nakiramay sa pamilya ng MH17 victims)

KABILANG ang isang Filipina at dalawa niyang anak sa 298 pasaherong lulan ng Malaysia Airlines flight MH17 na pinabagsak sa teritoryo ng Ukraine, ayon kay Foreign Affairs Secretary Albert del Rosario kahapon.

Makaraan abisohan ang kanilang pamilya, kinilala ng DFA ang mga biktimang sina Irene Gunawan, 54; Sherryl Shania Gunawan, 20; at Darryl Dwight Gunawan, 15-anyos.

Ang Flight MH17 ay may scheduled flight mula Amsterdam sa The Netherlands patungo sa Kuala Lumpur, Malaysia nang bumagsak sa eastern Ukraine nitong Huwebes ng gabi (Manila time). Walang naganap na distress call mula sa eroplano.

Bukod sa tatlong Filipino, 154 sa mga biktima ay Dutch national,  27 ang Australian at 23 ang Malaysian national.

Batay sa ulat ng mga awtoridad sa Ukraine, pinabagsak ng mga rebelde ang flight MH17 na patungo sana sa Kuala Lumpur, Malaysia galing ng Amsterdam.

Habang kinompirma ng Ukrainian Interior Ministry adviser na lahat ng mga pasahero ng nasabing eroplano ay namatay kabilang ang 283 passengers at 15 crew.

Pinaiimbestigahan na ng Prime Minister ng Ukraine na si Petro Poroshenko ang nasabing insidente.

Samantala, sinabi ng bansang Malaysia na hindi pa kompirmado kung pinabagsak ng mga rebelde ang nasabing eroplano.

(AP)

PALASYO NAKIRAMAY SA PAMILYA NG MH17 VICTIMS

NAGPAHAYAG ng taimtim na pakikiramay ang Palasyo sa mga pamilya ng mga biktima ng bumagsak na Boeing 777 ng Malaysian Airlines MH17 sa border ng Ukraine at Russia kahapon.

Ayon kay Communications Secretary Herminio Coloma Jr., makikipagtulungan ang Department of Foreign Affairs (DFA) sa pamahalaan ng Ukraine at Malaysia upang makilala ang tatlong Filipino na kabilang sa 298 namatay sa bumagsak na eroplano.

“The Government is one with the international community in calling for the thorough and swift inquiry on this incident,” ani Coloma.

(ROSE NOVENARIO)

About hataw tabloid

Check Also

Eng Bee Tin

Unang “National Hopia Day” celebration sa 19 Hulyo pangungunahan ng Eng Bee Tin

GAGANAPIN ang kauna-unahang selebrasyon ng “National Hopia Day” sa Filipinas sa 19 Hulyo 2024, na …

21 Mobile Primary Clinic ipinagkaloob ikinalat sa Gitna at Hilagang Luzon

21 Mobile Primary Clinic ipinagkaloob ikinalat sa Gitna at Hilagang Luzon

IPINADALA ni Pangulong Ferdinand Marcos, Jr., sa pamamagitan ni First Lady Liza Araneta-Marcos ang 21 …

Sa Bataan LOLONG TULAK, 2 GALAMAY TIKLO SA BUYBUST

Sa Bataan
LOLONG TULAK, 2 GALAMAY TIKLO SA BUYBUST

NADAKIP ang isang senior citizen na sangkot sa ilegal na droga at dalawa niyang kasabwat …

Sa Bulacan 7 SUSPEK SA DROGA, 2 KAWATAN TIMBOG

Sa Bulacan
7 SUSPEK SA DROGA, 2 KAWATAN TIMBOG

ARESTADO ang pitong indibidwal na pinaghihinalaang pawang mga sangkot sa pagtutulak ng ilegal na droga, …

shabu drug arrest

Sa crackdown ng PRO3  
4 DAYUHAN, 1 TULAK NASAKOTE SA DROGA

NASUKOL ng mga awtoridad ang limang hinihinalang tulak ng ilegal na droga na kinabibilangan ng …

Leave a Reply

Your email address will not be published. Required fields are marked *