Thursday , March 28 2024

Cellphone while driving bawal na sa Valenzuela

MAGANDA ang ipinasang ordinansa ng Sangguniang Panglungsod ng Valenzuela na nagbabawal sa mga motorista na gumamit ng kanilang mobile phone at hands-free cell phones habang nagmamaneho upang makaiwas sa aksidente sa kalsada.

Malaki ang maitutulong ng ordinansang ito na tinawag na cellphone ordinance na iniakda ni 1st District Councilor Rovin Feliciano dahil sa pamamagitan nito ay mababawasan ang mga nangyayaring vehicular accident sa bawat sulok ng Valenzuela City.

Ayon sa konsehal, lumalabas sa mga isinagawang pag-aaral na isa sa dahilan ng mga nagaganap na aksidente sa kalsada ay dahil na rin sa paggamit ng mobile phones ng mga driver habang nagmamaneho.

Aniya, nawawala ang konsentrasyon ng drivers sa tuwing gagamitin ang kanilang mobile phones alinman sa pagtawag o pagpapadala ng mensahe na nagreresulta sa pagkakaroon ng aksidente.

Mabuti na lamang at naisipan ng konsehal na gumawa ng paraan upang mabigyan ng proteksiyon ang mga motorista sa pamamagitan ng paghahain ng ordinansa sa Sangguniang Panglungsod hanggang tuluyan itong lagdaan para maipatupad.

Base sa ordinance no. 139 series of 2014 o kilala rin sa tawag na cellphone ordinance, ang sinomang mahuhuling lalabag dito ay papatawan ng mga sumusunod na parusa: 1st offense-warning; 2nd offense-multang P300; 3rd offense o higit pa-multang P500.

Upang maipatupad nang tama ang ordinansang ito ay inatasan na rin ang Task Force Disiplina, Traffic Management Office at ang Valenzuela PNP Traffic Division na magpapatupad at huhuli sa mga lalabag na driver sa “cellphone ordinance.”

Pakikinabangan din ng Valenzuela City Out-of-school Youth Programs ang lahat ng multang makokolekta ng lokal na pamahalaan mula sa mga lalabag na tsuper nang sa gayon ay higit pang maisulong ang mga programa para sa mga kabataang nahinto sa pag-aaral.

Tanging ang mga alagad ng batas na tumutupad sa kanilang tungkulin, drivers ng ambulansiya at rescue vehicles na naka-duty, Comelec election officer kapag araw ng halalan at mga taong rumeresponde sa oras ng kagipitan at nagbibigay ng serbisyo publiko tulad ng mga TV at radio news reporters ang hindi saklaw ng ordinansa.

Todo-suporta rin si Valenzuela City Mayor Rex Gatchalian sa pagpapatupad ng ordinansa dahil isa ito sa mga batas na dapat na ipinaiiral nang sa gayon ay lalo pang magkaroon ng disilpina ang mga Valenzuelaño.

Alvin Feliciano

About Alvin Feliciano

Check Also

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Marian Rivera My Guardian Alien

Marian sa alien—parang ang sarap niyang maging kaibigan

RATED Rni Rommel Gonzales NATANONG ang Kapuso Primetime Queen, Marian Rivera kung naniniwala ba siya na totoong …

Donny Pangilinan Belle Mariano DonBelle Cant Buy Me Love

Serye ng DonBelle laging nasa Top 10 sa Netflix

AYON sa lead stars ng top-rating series na Can’t Buy Me Love na sina Donny Pangilinan at Belle Mariano, mas …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Leave a Reply

Your email address will not be published. Required fields are marked *