Thursday , July 25 2024

Ang finger-pointing ni Abad

AYAW ko’ng malagay sa sitwasyon ngayon ni Department of Budget and Management (DBM) Secretary Butch Abad. Para siyang isang bata na nahuli sa akto, ‘yung tipong nakadukot pa ang kamay sa cookie jar.

Matapos ideklara ng Supreme Court (SC) na unconstitutional ang Disbursement Acceleration Program (DAP) ay nagtututuro na si Abad. Gusto niyang paniwalaan ng publiko na ang programa ay brainchild ni Pangulong Aquino.

Itinuturo rin ni Abad ang mga senador na umano’y nakinabang din sa P149-bilyon pondo, nagbibintang kung magkano ang tinanggap ni ganito at ni ganyan.

Maraming senador naman ang nagsabi na ang halagang sinasabi ni Abad na natanggap nila ay bahagi lang ng imahinasyon ng kalihim. Kabilang sa kanila si dating senador Joker Arroyo, na matagal nang ipinagmamalaki na wala siyang nahawakan na anumang pork barrel sa buong panahon niya sa Senado.

Ang patunay na tumanggap nga ng milyon-milyong piso mula sa DAP ang binabanggit niyang mga senador ay nakasalalay lang sa Budget secretary.

Laging may record na mapagtutuntunan sa detalye ng mga inilabas na pondo ng gobyerno, at DBM ang dapat na nag-iingat sa mga record na ito.

Paulit-ulit namang hinihilot ng mga apologist ng Malacañang ang desisyon ng SC na sinasabing nagbigay sa DBM ng benefit of the doubt, iginigiit na walang masamang intensiyon ang kagawaran.

Well and good. Pero may dalawang panig ang rejoinder na ito. Posibleng wala ngang masamang intensiyon ang DBM ni Abad, at maaari rin na ang lahat ng kanyang ginawa, kaugnay ng DAP, ay alinsunod sa isang masamang plano, kabilang ang pagpapatalsik sa isang chief justice ng Korte Suprema na itinuring na kaaway ng administrasyong Aquino.

Na ang DAP ay nilikha at ipinamudmod umano sa ilang senator-judge sa kasagsagan ng impeachment trial ni noon ay Chief Justice Renato Corona ay lubhang kaduda-duda.

Kasunod ng deklarasyon ng SC ay umugong ang mga panawagan na magbitiw sa puwesto o ma-impeach si Pangulong Aquino. Pero mas matindi ang panawagang paalisin sa posisyon si Butch Abad.

Aminin man natin o hindi, hindi sapat na mahusay na gumaganap sa kanyang tungkulin ang bawat Cabinet secretary. Mahalaga rin ang opinyon sa kanya ng publiko. At naniniwala ang maraming Pinoy na si Butch Abad ang utak sa DAP, ala-Napoles baga. May batik na siya. Pinaghihinalaan ang lahat ng kanyang ginagawa.

Maliban kung tunay na naniniwala si Abad na hindi siya kayang ilaglag ng administrasyong Aquino, iisa lang ang dapat niyang gawin, iyon ay itigil na niya ang pagbubunton ng sisi sa kung sino-sino at kusa nang lisanin ang paglilingkod sa gobyerno. Mas mainam pa kung magpalipad na lang siya ng saranggola sa kanyang probinsiya sa Batanes. ‘Sakto ang hihip ng hangin ngayon doon para sa pagsasaranggola.

May isang lumang kasabihan tungkol sa finger-pointing na perpekto sa sitwasyon ngayon ni Butch Abad: Maaaring nakaturo ang isa mo’ng daliri sa iisang direksiyon, pero tatlo sa sarili mo’ng mga daliri ang direktang nakaturo sa’yo.

***

Kung dati ay matuwid, delikado ngayon ang daang tinatahak ni PNoy. Itinuturing ng maraming Pinoy na banta sa Kataas-taasang Korte, na kapantay ng gobyerno, ang pahayag niya sa telebisyon noong Lunes, nang kuwestiyonin niya ang desisyon ng SC sa DAP.

Ang pagbibitiw ng mga banta at pagpapahayag na iaapela ng Palasyo ang nasabing desisyon ay malinaw na pananakot. Katumbas ito ng pambu-bully sa SC para baligtarin ang naging desisyon. Para ba’ng sinasabi sa 14 na mahistrado, kabilang na ang kanyang mga appointee at mga kaalyado, na mas mahusay siya sa kanila sa pag-unawa sa batas.

***

Sang-ayon ako kay Parañaque Congressman Gus Tambunting sa reaksiyon niya nang hindi tanggapin ni PNoy ang resignation ni Abad:

“It’s his (Aquino) privilege to accept or refuse the resignation of anyone in his Cabinet but it reinforces the perception that his ‘Daang Matuwid’ criteria only apply to other people, especially his political nemeses and not his friends, party mates, and allies.”

***

SHORT BURSTS. Para sa mga komento o reaksiyon, mag-email sa [email protected] o mag-tweet sa @Side_View.

Robert B. Roque, Jr.

About Robert B. Roque, Jr.

Check Also

Bong Revilla Jr Denver Chua Jolo Revilla Cavite

200 + pamilyang biktima ng sunog sa Cavite City dinalaw ni Senator Bong

DINALAW ni Senator Ramon “Bong”Revilla, Jr., ang mahigit sa 200 pamilyang nasunugan sa Brgy. 5 …

Benhur Abalos Perci Intalan

Birthday ni Sec Benhur dinaluhan ng mga kaibigan sa showbiz at politics; Direk Perci sinagot pasaring ni Atty. Topacio

PUNOMPUNO ang EDSA Shangri-la Hotel noong Biyernes dahil mula sa mga kaibigan   sa showbiz at politics …

Quinn Carillo Christine Bermas Itan Rosales Kaskasero

Christine nakatulong pagiging palaban sa pagpasok sa Wil to Win

SHOWBIZ KONEKni Maricris Valdez Nicasio KAPWA magaling na aktres sina Quinn Carillo at Christine Bermas ng Vivamax kaya mula sa  pagpapa-sexy ay …

Marian Rivera Kath Melendez Nekocee

Kath Melendez ng Nekocee na-starstruck kay Marian

SHOWBIZ KONEKni Maricris Valdez Nicasio MALAKING challenge para sa production ng Cinemalaya movie ni Marian Rivera, ang Balota kung paano siya …

Nora Aunor Maricel Soriano Alden Richards

Nora, Maricel, at Vilma triple tie for best actress sa 40th Star Awards

ni ROMMEL GONZALES TABLA, yes it’s a tie sina Dingdong Dantes at Alden Richards bilang Movie Actor of the …

Leave a Reply

Your email address will not be published. Required fields are marked *